初四透早欲駛車上北，我四點半就起來煎粿，順紲幫丈人跟丈姆怹消一寡菜，無怹若食無了，會共菜閣捾起來台北。

丈人起來便所了，就徛佇邊仔看我煎。丈人佇厝內是無咧煮食，灶跤攏是查某人咧款，伊嘛罕咧看我佇灶跤無閒，感覺誠心適，就問我講：

「小陽，你那會啥物攏會曉？」

「爸，你毋知今馬的查埔人攏愛做遮的代誌喔？」

「毋知吶！」

「齁，阿毋對好佳哉！你是生佇你彼咧時代才免做。你看，媽今馬腰攏徛袂直矣，嘛愛閣款予你食。」

「係，對齁。。。。。。」