Постојат моменти кога животот не бара од нас да се прилагодиме, туку да застанеме цврсто. Да се издигнеме над тишината, над стравот од осуда и над желбата да се вклопиме. Во тие моменти, нашиот став зборува за нас повеќе од што можат зборовите на другите. Ставот е огледало на личноста. Тој е нашиот неприкосновен печат, одраз на вредностите и уверувањата кои не’ водат низ животот. Во време кога многумина бираат да го следат текот на водата, оној кој стои зад својот став станува камен што го пренасочува текот.

Што значи да имате став? Тоа значи да не се плашите да застанете зад своето мислење, дури и кога тоа значи да останете сами. Да имате став е повеќе од само зборување; тоа е избор, чекор што бара храброст и јасност. Ставот не е знак на тврдоглавост, туку на решителност да се поддржи она што е вистинито, праведно и значајно.