Det er dagen etter dagen, og den moralske vinneren av kulturprisen i Kinn kommune holder det framleis gåande i uforetrødent krabbegir. Sjølv om gjesten for anledninga, Marius Horgen Reksten, har lagt både hetta og fotballskoene på hylla, mangler det ikkje på heseblesande samtaleemner, i ein episode som vart i overkant sterk lut for Tempopoddens 4H-utplasserte sensursjef.

I dagens episode, får ein mellom anna svar på kva som var bakgrunnen for dei sagnomsuste slagene på Kysten, kvifor ein aldri må selge skinnet før bjørnen er skutt, kven som kan mest om tradisjonsrike banneord i den sunnfjordske daglegtalen, og korleis det ser ut der sola aldri skinner.

I tillegg til dette, får ein høyre kvifor Kristian (mest sannsynleg/forhåpentlegvis) har den dårligst registrerte tida på 60-meteren gjennom alle tider, kven som fekk Benjamin til å springe så fort på sydenferie at sokkane i sandalane nesten tok fyr, og korleis Marius, gjennom framprovoserig av gnisselår og verkande setemuskulatur, klarte å spinne seg inn i modne kvinners pulserande drømmeverden.

Hosted on Acast. See acast.com/privacy for more information.

See omnystudio.com/listener for privacy information.