Die Spoorloos-span sou gister hul reis oor die lengte van die Oranjerivier voltooi, maar soos met enige avontuur soos hierdie duik struikelblokke maar op.

“Ons is bietjie geknak, maar ons gaan sterk aan,” sê Francois Jacobs.

Hulle kon darem 110 km aflê voor ‘n woeste sandstorm hul tot stilstand gedwing het.

Hulle het vanoggend slegs 30 km oor om Alexanderbaai, hul eindbestemming, te bereik.