Mensehandel in Suid-Afrika is ’n nare realiteit. Daarom het die niewinsgewende organisasie, Jaco Booyens Ministries, onlangs uitgebrei na Suid-Afrika. Die organisasie se missie is om, met die leiding van die Heilige Gees, die hoop van Jesus Christus aan slagoffers van mensehandel te bring, asook om pro-aktief te wees in die bekamping daarvan deur opleiding- en bewusmakingsveldtogte te loods. Ek gesels met Bjorn Booyens en Martin Human, die operasionele direkteur van JBM Suid-Afrika, oor wat die organisasie alles doen, tipiese wanpersepsies oor mensehandel, en hoe jy jouself en geliefdes daarteen kan beskerm.