Translated and voiced by Abdussalam Puthige. The translation of the whole Surah - ಸೂಕ್ತ : 1

ಸೂರ್ಯನನ್ನು ಮಡಚಿ ಬಿಡಲಾದಾಗ,

ಸೂಕ್ತ : 2

ಮತ್ತು ನಕ್ಷತ್ರಗಳು ನಿಸ್ತೇಜವಾದಾಗ,

ಸೂಕ್ತ : 3

ಮತ್ತು ಪರ್ವತಗಳನ್ನು ಚಲಾಯಿಸಲಾದಾಗ,

ಸೂಕ್ತ : 4

ಮತ್ತು ತುಂಬು ಗರ್ಭಿಣಿಯಾಗಿರುವ ಒಂಟೆಗಳನ್ನು ಬಿಟ್ಟು ಬಿಡಲಾದಾಗ,

ಸೂಕ್ತ : 5

ಮತ್ತು ಕಾಡು ಪ್ರಾಣಿಗಳನ್ನೆಲ್ಲಾ ಒಟ್ಟು ಸೇರಿಸಲಾದಾಗ,

ಸೂಕ್ತ : 6

ಮತ್ತು ಸಮುದ್ರಗಳನ್ನು ಉಕ್ಕೇರಿಸಲಾದಾಗ,

ಸೂಕ್ತ : 7

ಮತ್ತು ಜೀವಗಳನ್ನು (ಶರೀರಗಳೊಂದಿಗೆ) ಜೋಡಿಸಲಾದಾಗ,

ಸೂಕ್ತ : 8

ಮತ್ತು ಜೀವಂತ ಹೂಳಲ್ಪಟ್ಟ ಹೆಣ್ಣು ಶಿಶುವಿನೊಡನೆ ಪ್ರಶ್ನಿಸಲಾದಾಗ -

ಸೂಕ್ತ : 9

ಯಾವ ಪಾಪಕ್ಕಾಗಿ ಆಕೆಯನ್ನು ಕೊಲ್ಲಲಾಯಿತೆಂದು.*

ಸೂಕ್ತ : 10

ಮತ್ತು (ಕರ್ಮಗಳ) ಕಡತಗಳನ್ನು ತೆರೆಯಲಾದಾಗ,

ಸೂಕ್ತ : 11

ಮತ್ತು ಆಕಾಶದ ಕವಚವನ್ನು ಸರಿಸಲಾದಾಗ,

ಸೂಕ್ತ : 12

ಮತ್ತು ನರಕದ ಅಗ್ನಿಯನ್ನು ಭುಗಿಲೆಬ್ಬಿಸಲಾದಾಗ,

ಸೂಕ್ತ : 13

ಮತ್ತು ಸ್ವರ್ಗವನ್ನು ಹತ್ತಿರ ತರಲಾದಾಗ,

ಸೂಕ್ತ : 14

ಪ್ರತಿಯೊಬ್ಬನಿಗೂ ತಿಳಿದು ಬಿಡುವುದು ತಾನೇನು ತಂದಿರುವೆನೆಂದು.

ಸೂಕ್ತ : 15

ಹಾಗಲ್ಲ - ನಾನು, ಹಿನ್ನಡೆಯುವ ನಕ್ಷತ್ರಗಳ ಆಣೆ ಹಾಕುತ್ತೇನೆ.

ಸೂಕ್ತ : 16

ಅವು ಸಂಚರಿಸುತ್ತವೆ ಮತ್ತು ಕಣ್ಮರೆಯಾಗುತ್ತವೆ.

ಸೂಕ್ತ : 17

ಮತ್ತು ಇರುಳು ಕಣ್ಮರೆಯಾಗುವ ಹೊತ್ತಿನ ಆಣೆ.

ಸೂಕ್ತ : 18

ಮತ್ತು ಮುಂಜಾವು ಉಸಿರಾಡ ತೊಡಗುವಾಗಿನಾಣೆ.

ಸೂಕ್ತ : 19

ಇದು (ಕುರ್‌ಆನ್) ಗೌರವಾನ್ವಿತ ದೂತನೊಬ್ಬನು (ಜಿಬ್ರೀಲ್) ತಲುಪಿಸಿರುವ ಸಂದೇಶವಾಗಿದೆ.

ಸೂಕ್ತ : 20

ಅವನು ತುಂಬಾ ಬಲಿಷ್ಠನೂ ವಿಶ್ವ ಸಿಂಹಾಸನದ ಒಡೆಯನ ಬಳಿ ಉನ್ನತ ಸ್ಥಾನ ಉಳ್ಳವನೂ ಆಗಿದ್ದಾನೆ.

ಸೂಕ್ತ : 21

ಅವನು ಅನುಸರಣೀಯನೂ ವಿಶ್ವಾಸಾರ್ಹನೂ ಆಗಿರುತ್ತಾನೆ.

ಸೂಕ್ತ : 22

ನಿಮ್ಮ ಸಂಗಾತಿ (ದೂತರು) ಹುಚ್ಚರೇನಲ್ಲ.

ಸೂಕ್ತ : 23

ಅವರು ತೆರೆದ ಬಾನಿನಂಚಿನಲ್ಲಿ ಆತನನ್ನು (ಜಿಬ್‌ರೀಲ್‌ರನ್ನು) ಕಂಡರು.

ಸೂಕ್ತ : 24

ಅವರು ಅಜ್ಞಾತ ಲೋಕದ ಮಾಹಿತಿಗಳನ್ನು ತಲುಪಿಸುವುದರಲ್ಲಿ ಜಿಪುಣರಲ್ಲ.

ಸೂಕ್ತ : 25

ಇದು (ಕುರ್‌ಆನ್) ಶಪಿತ ಶೈತಾನನ ವಚನವಲ್ಲ.

ಸೂಕ್ತ : 26

ನೀವು ಅದೆಲ್ಲಿ ಅಲೆಯುತ್ತಿರುವಿರಿ.

ಸೂಕ್ತ : 27

ಇದು ಸರ್ವ ಲೋಕಕ್ಕಾಗಿರುವ ಉಪದೇಶವಾಗಿರುತ್ತದೆ.

ಸೂಕ್ತ : 28

ನಿಮ್ಮ ಪೈಕಿ ಇಷ್ಟ ಉಳ್ಳವನು ನೇರ ಮಾರ್ಗವನ್ನು ಹಿಡಿಯಲಿ.

ಸೂಕ್ತ : 29

ನಿಮ್ಮ ಇಚ್ಛೆಯಿಂದ ಏನೂ ಆಗುವುದಿಲ್ಲ - ಸರ್ವಲೋಕಗಳ ಒಡೆಯನಾದ ಅಲ್ಲಾಹನು ಇಚ್ಛಿಸುವ ತನಕ.