【詩名】：台江之歌

【作者】：劉惠蓉

【詩文】：

17世紀

美麗島嶼南台灣

外海海風 沙洲歌聲霆

一聲一聲霆 一陣一陣搖

歌喉大腹四界搖

搖對台江內海 迥台南

搖過潟湖海岸揣啥人

聽你吟唱歌詩

煞來目箍紅

海風歌喉聲聲霆

這首台江之歌

敢無予咱心茫茫

敢無使咱心癡迷

想起故鄉向時的一切

台江樂園四草湖

對咬狗溪過來的鹽水溪

圳溝排水 踅過北汕尾

海水洘流 溪邊掠毛蟹

大樹青翠 鳥隻雙雙飛

鹿耳門溪 曾文溪

舊名新港溪的鹽水溪

較早攏是菅芒地

這馬是文化上媠的土地

這片美麗的土地

需要你咱做伙疼惜鼓勵

註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。