今仔日是這學期讀冊會的第一擺集會，參加的人攜家己欲舉荐予大家的冊來宣傳登記，了後大家才佇線頂投票，選出這學期欲讀的幾本冊來。前一陣子我會記得媠某捌跟我講過，伊以後不欲繼續參加這個讀冊會矣。大家看到干焦我一個人出現的時陣，我就滾耍笑跟有來的冊友怹講：我今馬是一個人孤飛出道矣喔！結果，大家關心的攏是阮某那會無愛來？私底下line阮某，講足思念伊，想欲看到伊，無看到伊會鬱卒.....。

然後，我就接到阮媠某的line講：「我是干焦今仔日無去爾，因為查某囝身體無爽快，毋是這學期攏無欲去喔。拄好今仔日嘛是我無佮意揀冊的方式是用投票的，按呢無予人揀到的冊毋就足無彩足拍損矣，所以才無想欲去。」

我無攜冊去推薦予大家看，干焦共頂懸阮某寫予我的line唸予逐家聽了，紲變成冊友怹開始關切我的安危，替我祈禱，祝福我轉去了後皮愛繃較絚咧！真正是女人心海底針矣！

我捌佇網路頂聽過鄧紫棋唱「我只在乎你」這條老歌，唱到流目屎。伊共中語台語的歌詞濫咧唱，我聽了有合，這款老歌新唱的方式袂歹聽，嘛誠趣味！我原本叫是台語詞是伊家己寫的，結果用google揣了才知，是咱台灣誠出名但已經過身的做詞家林秋離的作品。今仔日原本叫是我會親像藝人團體拆散孤飛出道仝款，所以有準備一首老歌「惜別」，來為讀冊會唱予阮某聽，結果孤飛飛無成，網路嘛揣無有人捌寫過跟這條歌仝款旋律的台語詞，只好老羊家己來，練習寫台語歌詞的韻文看覓。

唱予逐家聽進前，我先共我寫的台語詞的部分唸一遍。

https://youtu.be/nxOk0q-EW9k

===================

惜別

作詞：林煌坤　作曲：鄭貴昶

台語詞：老羊

為何不回頭再望一眼

為何不輕輕揮你的手

你就這樣離我而遠去

留下一份淡淡的離愁

為何不回頭再看看我

我想再緊緊握你的手

向你訴說你可不要走

願你再能那樣愛我

問你那會甘心放落手

孤單暗暝揣無你溫柔

無奈何輕輕一聲

向望你閣叫著阮的名

惦惦無越頭就做你走

阮想欲閣再攬你牢牢

問你一聲望你通回頭

毋願田無溝水無流

問阮那會甘心放你走

愛你的情永遠囥心頭

無奈何輕輕一聲

向望你閣叫著阮的名

惦惦無越頭就做你走

阮想欲閣再攬你牢牢

問你一聲望你通回頭

毋願田無溝水無流

問你到底這是誰的錯

相愛何必又要分手

無奈何輕輕一聲

但願你可不要忘了我

為何不回頭再看看我

我想再緊緊握你的手

向你訴說你可不要走

願你再能那樣愛我