Talisman Brisé

Wari bɛ wagande min kɔnɔ, o labanna ka lasɔrɔ.Dugusɛjɛ selen, santiri la, Kuwame bɛ Karamɔgɔ Umaru ka subahanamansinnin n’a ka lakanasɛbɛn cɛfɛɛrɛnnen tɔ kelen lasegin a ma.A bɛ ban ka Karamɔgɔ Umaru ka kɔdi fana d’a ma, n’o bɛ kɛ sababu ye sɛbɛndennin min tɔgɔdalen don ko « Sahel vert » k’o dayɛlɛ. 

Karamɔgɔ Umaru bɛ san kelen di a yɛrɛ ma. O san kelen in kɔnɔna na, a b’a ka jiri turutaw sifilɛ yanni k’u turuli daminɛ saheli fan bɛɛ fɛ.

O baara in kɔnɔna na, Karamɔgɔ Kuwada bɛ a dɛmɛ ani a ka nakɔsɛnɛna Kuwame fana…ani Nathalie fana, o min sɔnna k’i jɔ santiri lakananikobaaraw kɔrɔ !Kow kuncɛyɔrɔ : san kelen kɔfɛ, ɲɔgɔn lajɛrɛba dɔ senfɛ, Karamɔgɔ Umaru bɛ bɛɛ kunnafoni a sɛgɛsɛgɛliw jaabi la : jiri nasɔn dɔ min bɛ se ka falen saheli kɔnɔ ! Maana b’a la k’i sɛnsɛn ka lawaleya.

Karamɔgɔ Umaru labilala. Binnkannikɛlaw bɛɛ inɛna.A daminɛcogo ɲɛna, wa labancogo fana ɲɛna, Nka tuma min na u bɛ ka kɔsegin ka na polisiso la, « Gieta » ɲɛmaaba bɛ bɔ a kala ma ko ero wari 100 000 min tun dabɔra kunmabɔnafoloko kama, k’o tununa.Polisiw ka ɲɛmaaba de ye wari in wagande ta ! Wa fana, a b’a fɛ ka taa ni Nathalie ye a fɛ !

Kuwame bɛ Karamɔgɔ Umaru lasɔmi sutura la a ka nali la !O bɛ Fɛnjugu n’a nɔfɛmɔgɔw delilanko kɔrɔw ɲɛfɔ a ye, ka ban k’a ɲɛfɔ a waati jɔnjɔn min na u ka kan ka goron kɛ u la.

Kuwame b’i kɔsegin ka taa karamɔgɔ Umaru ka fɛɛrɛ bolodalenw ɲɛfɔ polisiw ye. A bɛ laban tuguni ka na Karamɔgɔ Umaru yɔrɔ yaasa ka na o kunnafoni lɛrɛ jɔnjɔn min na goron bɛna kɛ binnkannikɛlaw la.

An ni Karamɔgɔ Umaru ni kisili cɛ, lɛrɛ damadɔ dɔrɔn !

Kuwame ni polisiw sera Darkoy !Fɛn min ye « hélicoptère » sendonni ye a ko la, yaasa k’o bali, barisa o kasaara tɛ fo Karamɔgɔ Umaru la ale ka faamuyali la, Kuwame b’a ɲini polisiw fɔ u ka ale kelen bilaka taa a kolajɛ ni hakili ye. A bɛ taa bɔ binnkannikɛlaw ka bugu kan, wa a bɛ Karamɔgɔ Umaru yɛrɛ fana ye.

K’a to kaso kɔnɔ, a ye dɔnniya o dɔnniya sɔrɔ binnkannikɛlaw kunkanko la, a bɛ taanikasegin kɛ olu bɛɛ la kelen kelen yaasa ka faamuyaliba kelen sɔrɔ u ka ko la.

Yaasa ka polisiw hakili lajɔ a yɛrɛ kan, a bɛ fɛɛrɛ nasɔn bɛɛ tigɛ o siratigɛ la ni ka ban ka polisiw deli cogo min na u bɛ se k’a labila.Katugu a la, a bɛ Darkoy dala in sɛbɛkɔrɔ dɔn. Polisiw bɛna sɔn a ka delili ma, f’u bɛna taa n’a ye yɛrɛ u fɛ.

Nathalie ye polisiw ladɔnniya, olu bɛ Kuwame minɛ ni k’a bila tuguni kaso la !Ka Kuwame to a ka dɛsɛsigi la kaso kɔnɔ, a ɲɛ bɛ seereya polisiw ka labɛnw n’u ka fɛɛrɛ bolodalenw bɛɛ la kelen kelen.

Olu ka laɲini ye ka taa goronw kɛ binnkannikɛlaw la ni « hélicoptère » ye ani « 4X4 » ani marifaw ye...

Kuwame ni Nathalie, ɲininkaliw senfɛ, u bɛna bɔ a kala ma musow fɛ, muso minnu bɛ baara kɛ Fɛnjugu bolo, ko ale ye Karamɔgɔ Umaru minɛ ni ka taa n’a ye Darkoy.

Kuwame bɛ o yɔrɔ in sɛbɛkɛrɛ dɔn, wa a b’a ɲini ka taa yen o yɔrɔnin bɛɛ : nɛgɛ kanɲɛ 14 sera kaban !Natahali ka faamuyali la, Kuwame ka o wale in farati ka bon kojugu. Ale b’a kanu ka polisiw ladɔnniya fɔlɔ. 

Bataki minnu cira Karamɔgɔ Umaru ma, ka Kuwame ni Nathalie to olu sɛgɛsɛgɛliw la, u bɛna bɔ a kala ma ko Karamɔgɔ Abubakari tɔgɔ dɔ min kɛlen don k’a yɛrɛ kɛ Niamey sanfɛkalansoba karamɔgɔ dɔ ye, k’o ye ɲɔgɔnye dɔ ɲini Karamɔgɔ Umaru fɛ.

U bɛ tamasiyɛnw fara ɲɔgɔn kan. Kuwame bɛ ban k’a faamuya ko fɛn min ye Karamɔgɔ Umaru tɔgɔ in ye ani karamɔgɔ kalanbaganci ye, k’olu bɛɛ ye mɔgɔ kelen pe de ye, min dɔnnen don ni « Fɛnjugu » tɔgɔ ye, n’ale de fana ye Karamɔgɔ Umaru minɛbaga ye kɔni.

Kuwame ni Nathalie, u seginnen kɔ ka na Gorom-Gorom, u bɛ bɔ a kala ma ko binnkannikɛlaw ye weleli kɛ nɛgɛjurusira fɛ ni ka kunmabɔnafolo kani.

Lɛrɛ 24 de dira « Gieta » ma yaasa a ka ero wari 100 000 fara ɲɔgɔn kan n’a b’a fɛ ka Karamɔgɔ Umaru ni kisi ! Nka waati kofɔlen ni su miniwi tɔ tora lɛrɛ 15 dɔrɔn ye ! Kuwame ni Nathalie b’u kɔsegin ka taa santiri la yaasa ka karamɔgɔ kalanbaganci in, n’o ye Abubakari ye, k’o ka kow sɛgɛsɛgɛ.