حلقة تشبه شعور آخر اليوم لما تهدأ الأصوات كلها ..

وما يبقى إلا صوتك الداخلي وهو يسألك وش الأشياء اللي غيّرتني فعلًا؟

وهل كنت أعيش مشاعري ولا قضيت عمري خايف تبان؟

وجملة تنقال بخفة، لكن وراها خوف كبير من الانكشاف، من التعلّق من إنك تعرف مكانة الشخص الحقيقية عندك ,كلمة تنقال وكأنها دعوة للحب للمعزة ولكبر المقدار، لكنها تخبّي خوف كامل من ظهوره

“الله لا يبيّن غلاك”

طيب وليه؟ ومتى صار الشعور الصادق شيء لازم نخبّيه وكأنه ضعف؟

في هالحلقة نتكلم عن الشعور لما يكون واضح

 عن الذكريات وكيف الزمن ما يمحيها فعلًا  بس يغيّر شكلها داخلنا

وكيف نتشكّل فقط من مواقفنا وذكرياتنا

عن الأشياء اللي مرّت علينا وغيرتنا بدون ما ننتبه، كيف صرنا نكره أشياء كنا نحبها، ونحب أشياء كنا نهرب منها

عن جلسات الإنسان مع نفسه، لما يحاول يفهم شعوره مو يسكّته

وعن أهم شي وهو لما تحاول تفهم ذكرياتك وتستوعب ذاتك وتصير انت مرآتك الوحيدة وبنفس الوقت قاضيك

فيه مشاعر ما ماتت .. بس تعبت من الاختباء

 ذاك العتاب اللي أحيانًا ما يوجعك إلا لأنه جاي منك أنت،

لأن باختصار أقسى شخص عليك ممكن يكون نفسك