La Orde de los Probes Compañeros de Cristu y del Templu de Salomón (en llatín: Pauperes Commilitones Christi Templique Salomonici), tamién llamada la Orde del Temple, que los sos miembros son conocíos como caballeros templarios, foi una de les más poderoses órdenes militares cristianes de la Edá Media. [2][3] Caltúvose activa mientres daqué menos de dos sieglos. Foi fundada en 1118 o 1119 por nueve caballeros franceses lideraos por Hugo de Payns tres la Primer Cruzada. El so propósitu orixinal yera protexer les vides de los cristianos que pelegrinaben a Xerusalén tres la so conquista. La orde foi reconocida pol patriarca llatín de Xerusalén Garmond de Picquigny, que-y impunxo como regla la de los canónigos agustinos del Santu Sepulcru.