Gestir þáttarins eru heiðursmennirnir Þór Breiðfjörð og Gunnar Guðbjörnsson söngvarar. Þeir segja aðeins frá Sigurði Demetz og hlustendur heyra gamla upptöku þar sem Sigurður syngur O solo mio. Þeir ræða einnig drauma nemenda sinna sem stunda nám í söngskóla Sigurðar Demetz. Einnig ræða þeir sína eigin drauma.

Gunnar syngur Tonerna eftir Carl Sjöberg og Þór syngur lagið Þú varst mér allt , lagið er erlent en Þór gerði textann. Við píanóið situr Jónas Þórir.