TRIGGER WARNING. LÝSINGAR AF NAUÐGUNUM, PYNTINGUM OG OFBELDI Í ÞESSUM ÞÆTTI ERU GRAFÍSKAR.

Nýjasti gestur bræðrana Gunnars og Davíðs Wiium í hlaðvarpsþættinum þvottahúsið er Ásgeir Ásgeirsson eða Geiri X eins og hann er gjarna kallaður. Geiri starfaði sem  ljósmyndari til fjölda ára, myndirnar hans birtust meðal annars hjá Reuters. 

Ásgeir er öryrki eftir að hafa verið greindur með sjaldgæfan taugasjúkdóminn CRPS sem stendur fyrir Complex retsional pain syndrom. Sjúkdómurinn lýsir sér í ofvirkum taugaboðum sem senda stanslaus verkjaskilaboð til heilans. CRPS er sagður valda mestum sársauka af öllum sjúkdómum heims og er stundum nefndur sjálfsvígssjúkdómurinn vegna þess hversu margir þeirra sem fá hann sjá sjálfsvíg sem einu leiðina til að losna við stöðuga verkina - verki sem sagðir eru verri en þeir sem fylgja því að missa útlim eða fæða barn án deyfingar.

Geiri kom fram í þættinum sem fórnarlamb nauðgana og pyntinga. Í þættinum fór Geiri yfir þrjú tilfelli þar sem honum er nauðgað á lífsleiðinni, tvisvar eru gerendurnir konur og einu sinni hinn þekkti barnaníðingur Ágúst Magnússon. Geiri er nýkomin út úr skápnum með þessa reynslu og hlaut fyrir vikið háð og spott inn á nokkrum feminískum síðum á Feisbúkk.