«Երբ նայեցի զինվորների աչքերին հասկացա, որ նրանք ավելի շատ են սիրում հայրենիքը, քան ես հավատում եմ Աստծուն»,– տեր Աբել քահանա Քարտաշյանի այս խոսքերը գեղանկարչուհի, գրաֆիկ Մանու Հարությունյանին ոգեշնչեցին և նա որոշեց այդ խոսքերը կտավին հանձնել։ Նրա ստեղծագործություններն այնքան սիրվեցին և ճանաչում ստացան, որ որոշ ժամանակ անց դրանք աճուրդի հանեց և ստացված գումարը փոխանցեց «Հայաստան» համահայկական հիմնդրամին։