Գեղարքունիքի մարզի Կարճաղբյուր գյուղից է «Սպորտը հանուն զարգացման» ծրագրի ղեկավար Տիրուհի Հարությունյանը։ Ավարտել է ԵՊՀ իրավագիտության ֆակուլտետը, աշխատում է մասնագիտությամբ, պատրաստվում է ուսումը մագիստրատուրայում շարունակել։ Դրանից զատ զբաղվում է հասարակական ակտիվ գործունեությամբ՝ մասնավորապես համայնքային զարգամցան ծրագրեր է իրականացնում ու մոտիվացում երիտասադրներին։ «Սպորտը հանուն զարգացման» ծրագրի կազմակերպչական թիմում 10 հոգի են, դասընթացները տեվել են մի քանի օր։ Տիրուհին ասում է՝ խնդիրներ ու հուսահատության պահեր են եղել կազմակերպաչական աշխատանքները համակարգելիս, բայց ամեն ինչ հաղթահարել են։ Կարճաղբյուրի 8–18 տարեկան 80 աշակերտի են հանդիպել և քննարկել, թե ինչ սպորտաձեվերով են նրանք ցանկանում դասընաթացներ ու մարզումներ անցկացնել։ Արդյունքում ընտրել են 3 սպորտաձեվ՝ վոլեյբոլ, բակային մարզումներ ու յոգա։