تجميع أشلاء

إصدار 2020

من إنتاجي الموسيقي

"زُقاق" - @zoqaq

اقلعلك عيني لتشوفي وجعي

أمّا قصلك لساني لتحكي ب اسمي

أمّا اقطعلك إيدي لتعطيني دفشة

أمّا قص رجليي لتوقفي جنبي

يعني اقلب أشلاء

ليكون حدا معنا وأتفادى موت الحرب

تما اقلب أشلاء

أمّا اقلب أكباد

وأصنع هند ب إيدي لما أقصد أحزاب

ليكي الاستعطاف ابكيلك بتراك

اشنق عافيتي إذا بحضنك العلاج

اطمني اطمني متأكد ما بهمك

كل عضامنا بخير الوجع جوا عضلة

بتنبض لما نحب ولما نخاف وحتى نعيش

الحارة عنا ميتة منلعب فيها عيش

أخدنا الدنيا مأتم منخلق فيها عيد

قلنا هاتي العنب صحوة ف عطتنا بحر نبيد

لو كل جزء صار من أشلائنا نَسَمة منسيطر عالعالم؟

او نرجع نتلاقى أشلائنا تتلاصق

نصير كتلة وحدة ندحكل عالعالم

"الحارة" - @al7ara

بشبها ما بتشبهني الشام اللي بحبا بتكرهني بمشي خطوة بتسحبني

برسما لوحة بتمسحني بترفع كلشي و بتسنحني

مكاني بعملا أغاني بغرفتي

من جوا بكتبلا كإني بغربتي

شاعر طافر تونسني لغتي

ليكي

أنا آكل حاراتك باب شرقي عالورق

جوا دفتري باراتك صار حزني عرق

طار نِصّي كسر نار نَصّي لإن

صار همسي لحن فيكي بمسّي و بحن

بعطيكي شمسي بتعطيني ظل

معبايه ياسمين أنا فل

جبالك جوعانين أنا غل

و كلمالك موتيني بكحلك لوتيني

كرمالك يا قحبه مش رح كن

لو كل جزء صار من أشلائنا نَسَمة منسيطر عالعالم؟

او نرجع نتلاقى أشلائنا تتلاصق

نصير كتلة وحدة ندحكل عالعالم

"سِراج" - @serajnour

بقطف زهرة شبابي ليضل نَفَسك

بس ما بحبس لساني ليدوم سَمَعك

شربي مية عيني وتركيني عطشان

قادر اصحى بالكلمة لو كاتب نعسان

عم اكتب بدمي

قصدي تحبيني مو تخافي من نصي

ف تعي للشبه انسي الاختلاف

على قد ماني بشبهك وجهي معبى حفريات

ودمي بيشبهني تنيناتنا فقراء

فما تقطعي شرودي بسكينة ذكريات

اسمي سراج وجلَّ من ما بنسى ولا شي من الماضي

تعي بالمكاري امشي بالغوطة

احكيلك عن حبسي المسمى بأوضة

عن كيف بعمى إذا عيني بترمى

وإذا أبصرت أنتِ عيني يا ترما

لو كل جزء صار من أشلائنا نَسَمة منسيطر عالعالم؟

او نرجع نتلاقى أشلائنا تتلاصق

نصير كتلة وحدة ندحكل عالعالم

Instagram

زقاق: https://www.instagram.com/omran_zoqaq3

الحارة: https://www.instagram.com/nowar_al_dibs

سراج: https://www.instagram.com/seraj_3a

الأديب: https://www.instagram.com/illadib