Antía Vidal improvisa con Ángel Cantizani, do grupo madrileño Al Tran Tran. Ánxela Diéguez lévanos de Tardeo ao Pico Sacro. Seguimos de festa. Neste programa imos á do Esquecemento en Xinzo e á da empanada en Bandeira. O "galego viaxeiro" desvélanos onde podemos ver os mellores solpores en Galicia. Coñecemos a Diego Seijas, director artístico de Loewe. Comprobamos como se preparan os escolares para o novo curso acudindo á libraría Lino, en Lestedo. O cineasta Aser Álvarez fálanos do seu documental sobre Elías Valiña, un dos artífices da auxe actual do camiño de Santiago.

A compañía Galeteatro convídanos a asistir a representacións teatrais en muiños. Falamos con dous dos artífices da iniciativa, Alba Bermúdez e Toni Martínez. Na sección de improvisación "Non estaba escrito" Antía Vidal recibe a actriz e presentadora Marta Doviro, que forma parte do grupo teatral As Teimas. Precisamente para ver un espectáculo de improvisación imos con Ánxela Diéguez ao chiringuito PataPalo da Illa de Arousa. Isa Villanueva dinos como eliminar manchas da roupa. Entrevistamos ao cantante Kenneth Colina, que foi finalista do Benidorm Fest. Celebramos o 35 aniversario da ONG Ecos do Sur coa súa presidenta Ani Ulloa. Coñecemos a Irene González unha pioneira do fútbol feminino, coa axuda de Cristina López.

Dende Houston, en Texas, aténdenos a neurocientífica luguesa Sonia Villapol para falarnos do seu libro "Cerebro en modo ON", co que tenta achegar a súa disciplina á mocidade. Con Belén Regueira imos a Rianxo para paseármonos por Titiriberia. Entrevistamos ao fotógrafo, deseñador gráfico e director de cine Isaac Gulías. Hugo Trillo preséntanos a asociación coruñesa Fibro Visibles, empeñada en dar a coñecer os problemas das persoas que sofren fibromialxia. Que merca a xente nestas xornadas de calor abafante? Preguntámosllo á propietaria do bazar San Cibrao, Fang Ling Zhou. Achegámonos coa axuda de Inma López Silva á figura da cantante e actriz Maruxa Villanueva. Antía Vidal improvisa con Sergio Alfonso Agra, do Colectivo do Flow. Noel Turbulencias proponnos ir ao Festival da Luz en Boimorto e convídanos a escoitar o seu disco favorito deste ano "Aquí sempre tes casa", de Dani Cornes. Ademais, o latinista Xosé Antonio Silva fálanos dos viaxeiros da antigüidade.

Ánxela Diéguez lévanos a Lousame para explicarnos como funciona un hotel para cans, K-nine. Coñecemos a Alberto Añón, o oleiro máis novo de Buño. Iria Collazo preséntanos o libro co que gañou o premio García Barros, "A muller de mentira". Imos facer turismo á Fonsagrada utilizando como guía a Xosé Fernández , propietario do camping da localidade. Conversamos con Lucía Lamas, fundadora da empresa Metalmiño. Alberto Rivas proponnnos facer unha escapada a Portugal. Javier Barba ensínanos a preparar marisco. Manuel Rial danos unha lección sobre horreos e Antía Vidal trae da man á actriz Carlota Mosquera para improvisar.

Antía Vidal xoga a improvisar coa colaboración de Susana Sampedro e Susa Cofiño. Coñecemos mellor á pandereteira, escritora e divulgadora da tradición galega Icía Varela. Adrián Riveiro e Pablo Gómez, o dúo Furada, preséntanos o seu disco debut. Pablo Rodríguez, da asociación de veciños de Puxedo, en Lobios, fálanos da Festa da Malla. Ángela Diéguez viu o eclipse en Fisterra e trasládanos as sensacións dos que o contemplaron con ela. Repasamos as citas festeiras da ponte de agosto e detémonos en dous festivais de música. Para saber que ofrece o Canjazz conversamos co seu director, Xan Campos; e para coñecer o contido do XIV Festival Groba contamos con Rogelio Groba Otero. A ilustradora Silvia Santiso explícanos en que consiste o club de correspondencia que creou e Lucía Seoane achéganos á figura da poeta Pura Vázquez coa axuda da profesora da USC Montse Pena.

Aínda coas imaxes do eclipse moi presentes volvemos a improvisar, desta volta con Diego Salgado. Escoitamos en vivo o mellor gaiteiro do mundo, Manu Seoane. Isa Villanueva aconséllanos como coidar zapatos, cintos ou bolsos. Preparámonos para dias de festa falando con Sheila Álvarez, presidenta da comisión que organiza "As nosas músicas" en Couso, na Estrada, e coa alcaldesa de Betanzos, María Barral, e a representante maior das festas de San Roque, Myriam Arnoso. Entrevistamos a Óscar Rodríguez de Vivero, o lugués que vai participar na final do campionato do mundo de oratoria. Lembramos ao falecido Víctor Coyote co produtor Pablo Novoa. Ánxela Diéguez achéganos ao campamento de verán do albergue de Gandarío.

Centrados na eclipse. O profesor Jorge Mira cóntanos curiosidades deste fenómeno. Manuel Andrade Valiño fálanos do programa científico e divulgativo que desenvolverá a USC no campus de Lugo co gallo deste evento. O fotógrafo Eutropio Rodríguez ofrécenos consellos para captar imaxes da eclipse. O latinista Xosé Antonio López explícanos como se actuaba na antigüidade cando había eclipses de sol ou de lúa. Octavio Villazala revélanos o comportamento das mascotas cando o sol escurece. Lembramos coa escritora Berta Dávila a súa novela "A ferida imaxinaria", na que recrea unha eclipse. Repasamos os espectáculos musicais que se organizan o mércores en Galicia. E ademáis Noel Miguélez traenos os discos máis salientables de 2026 e Antía Vidal improvisa rimas con Víctor Castro.