RADIO NOVA comezou unha nova xeira de programas baixo o título xenérico de TRABALLOS onde se homenaxea aos vellos oficios a través dunha entrevista de inesquecible experiencia vital con persoas que durante moitos anos desempeñaron esas actividades laborais tan importantes para sacar adiante a moitas familias e que supuxeron tamén o progreso dos pobos. Enrique Vaqueiro, Manuel Boullosa e Xulio Castro son os responsable de sacar adiante esta iniciativa que pretende reivindicar o papel esquecido daqueles TRABALLOS... Este primeiro programa funciona a modo de prólogo do que serán estes TRABALLOS que se iniciarán o xoves da próxima semana, ás 13 horas, cunha entrevista a Claudio Vilanova Martínez, un home que supera os 90 anos de idade e que pasou gran parte da súa vida arranxando aparatos de radios e televisores.