Balkandaky harby bölümlerde gullukdan ir boşamak isleýän esgerleriň hossarlary üçin “para möwsümi” başlandy diýip, harby çeşmelerimiz we ene-atalaryň ençemesi aýdýar. Çeşmelerimiz harby ýolbaşçylaryň bu ýagdaýlara göz ýumýandygyny aýdýarlar.

Balkanyň häkimiýetleri şu ýyl hristianlaryň mukaddes Pasha baýramynyň bellenýän günlerinde Balkanabat şäherindäki esasy hristian ybadathanasynyň töwereginde reýd geçirdiler. Reýdlerde soňky ýyllarda hristian dinini kabul eden türkmenistanlylaryň onlarçasy tussag edildi.

Türkmenistanyň orta bilim berýän edaralarynda tomusky dynç alyş möwsüminiň başlamagyna bir ýarym aý çemesi wagt bardygyna garamazdan, Balkanabatdaky mekdeplerde okuwçylardan synp otaglaryny abatlamak üçin pul ýygnalyp başlandy. Bu barada Azatlyk Radiosynyň habarçysy 10-njy aprelde maglumat berdi.

Soňky bir hepdäniň dowamynda Mary welaýatynyň Tagtabazar etraby we Ahal welaýatynyň Änew şäheri birnäçe gezek güýçli sil suwlaryndan ejir çekdi. Sil suwlary onlarça ýaşaýyş jaýyna, köçelere, maldarçylyga we ekerançylyga zyýan ýetirdi.

Türkmenistanyň Halk maslahatynyň başlygy Gurbanguly Berdimuhamedowyň 8-nji aprelde Awstriýa sapary başlandy. Bilermen Ýakyn Gündogarda emele gelen ýagdaýlar sebäpli dörän ýangyç krizisiniň arasynda, Türkmenistanyň Ýewropa Bileleşigine nebit we gaz import etmek mümkinçiliklerini gözleýändigini aýtdy.

Lebapdaky bankomatlarda nagt puluň ýeter-ýetmezçiligi dowam edýän mahaly, ýaşaýjylar şäheriň döwlet we hususy eýeçilikdäki dermanhanalarynyň aglabasynda bank kartlary arkaly tölegleriň kabul edilmeýändigini aýdýarlar. Bu barada Azatlyk Radiosynyň habarçysy 8-nji aprelde sebitden maglumat berdi.