טו וְכָל בֵּירֵי, דַּחֲפַרוּ עַבְדֵי אֲבוּהִי, בְּיוֹמֵי, אַבְרָהָם אֲבוּהִי--טָמוּנִין פְּלִשְׁתָּאֵי, וּמְלוֹנִין עַפְרָא.  טז וַאֲמַר אֲבִימֶלֶךְ, לְיִצְחָק:  אִיזֵיל, מֵעִמַּנָא, אֲרֵי תְּקֵיפְתְּ מִנַּנָא, לַחְדָּא.  יז וַאֲזַל מִתַּמָּן, יִצְחָק; וּשְׁרָא בְּנַחְלָא דִּגְרָר, וִיתֵיב תַּמָּן.  יח וְתָב יִצְחָק וַחֲפַר יָת בֵּירֵי דְּמַיָּא, דַּחֲפַרוּ בְּיוֹמֵי אַבְרָהָם אֲבוּהִי, וְטָמוּנִין פְּלִשְׁתָּאֵי, בָּתַר דְּמִית אַבְרָהָם; וּקְרָא לְהוֹן, שְׁמָהָן, כִּשְׁמָהָן, דַּהֲוָה קָרֵי לְהוֹן אֲבוּהִי.  יט וַחֲפַרוּ עַבְדֵי יִצְחָק, בְּנַחְלָא; וְאַשְׁכַּחוּ תַּמָּן--בֵּיר, דְּמַיִין נָבְעִין.  כ וּנְצוֹ רָעֲוָתָא דִּגְרָר, עִם רָעֲוָתָא דְּיִצְחָק לְמֵימַר--דִּילַנָא מַיָּא; וּקְרָא שְׁמַהּ דְּבֵירָא עֵשֶׂק, אֲרֵי אִתְעַסַּקוּ עִמֵּיהּ.  כא וַחֲפַרוּ בֵּיר אֻחְרִי, וּנְצוֹ אַף עֲלַהּ; וּקְרָא שְׁמַהּ, שִׂטְנָה.  כב וְאִסְתַּלַּק מִתַּמָּן, וַחֲפַר בֵּיר אֻחְרִי, וְלָא נְצוֹ, עֲלַהּ; וּקְרָא שְׁמַהּ, רְחוֹבוֹת, וַאֲמַר אֲרֵי כְּעַן אַפְתִּי יְיָ לַנָא, וְנִפּוֹשׁ בְּאַרְעָא.