- Vit eru ung. Nú mugu vit royna at geva eitt sindur aftur.

Jóhanna Magnusardóttir og Dávid Fossdalsá eru ung, tey eru par, og tey hava tikið sínar útbúgvingar í Kina.

Nú ritstjórna tey bæði fyrstu kinesisku orðabókina til føroyingar.

Talan er um fyrsta part av orðabókini, sum gongur báðar vegir, kinesiskt-føroyskt og føroyskt-kinesiskt.

Sprotin trýstir á knøttin seinnapartin fríggjadagin 1. februar, og tað hevur við sær, at øll kunnu fáa orðabókina ókeypis á heimasíðuni hjá Sprotanum.