Í þætti tvö krækjum við í og tökum niður af bitum Reykhússins, málefni sem er trúlega ekki mikið í almennri umræðu: Sóðaskapur.  

Hver er sóði? Hvar eru mörkin? Er munur á milli þjóða? 

Fengum Hrafnhildi Karlsdóttur rekstrarstjóra í Kristjánsbakaríi til okkar í spjall. Hún hefur í mörg ár starfað í ferðaþjónustu og meðal annars verið hótelstýra til margra ára.  Hvaða þjóðir eru mestu snyrtipinnarnir? Eða mun hún segja okkur hvaða þjóð eru mestu sóðarnir? 

Hafdís Alda flytur okkur fréttir af eyrinni og kannski á hún sóðasögu handa okkur...Síðast en ekki síst er það snyrtipinninn og Færeyingurinn Jógvan Hansen sem slær botninn í umræðu vikunnar.