Við fengum til okkar hana Gerði Huld í mjög svo innblástursríkt spjall um tekjur, rekstur og hugarfar. Hún hefur lifað tímana tvenna þegar að kemur að rekstri en hún stofnaði sitt aðeins 21 árs og hefur ekki litið um öxl síðan. Ef þú vilt fá vikuskammt af innblæstri á rúmum klukkutíma, þá er þetta þáttur fyrir þig!

Þátturinn er í boði:

Í þætti dagsins tökum við fyrir fasteigna- og lánamarkaðinn eins og hann leggur sig með tveimur sérfræðingum. Annar þeirra er hlustendum góðkunnur en Páll Pállson eigandi Pálsson fasteignasölu mætir til okkar annað árið í röð en ásamt honum fengum við til okkar hana Björk Pálsdóttur íbúðarlánaráðgjafa. Áhugavert spjall við fólk sem þekkir leikinn þegar að kemur að fasteignum! 

Þátturinn er í boði:

Við fengum til okkar einn helsta sérfræðing landsins í persónulegum fjármálum, hann Georg Lúðvíksson, en í lok síðasta árs kom út bókin Sálfræði peninganna í þýðingu hans og Kristrúnar Tinnu Gunnarsdóttur. Georg hefur komið víða við og stofnaði meðal annars Meniga, en er nú að hefja nýja og spennandi vegferð Spesía, sem kynnt verður til leiks á næstu misserum. Fróðlegur og upplýsandi þáttur að vanda þennan fimmtudaginn og að sjálfsögðu hvetjum við alla sem hafa áhuga á heilbrigðum peningavenjum að leggja við hlustir!

Þátturinn er í boði:

Gestur okkar í dag er Lína Birgitta Sigurðardóttir sem stóð ung frami fyrir möguleikanum á að lýsa sig gjaldþrota. Hún glímdi við kaupfíkn frá ungum aldri, en hefur í dag tekist að byggja upp magnaðan feril sem áhrifavaldur, hlaðvarpari og frumkvöðull en í dag rekur hún fyrirtækið Define the line sem hefur náð talsverðri útbreiðslu og er á spennandi tímamótum. Lína er sönnun þess að þó að allt sé í rúst í fjármálunum þá er hægt að snúa því við! Skylduhlustun fyrir alla sem hafa áhuga á góðum árangurssögum!

Þátturinn er í boði:

Þá hefjum við seríu 2 af Viltu finna milljón hlaðvarpinu! Í dag kom til okkar hún Nína Björg sem er menntaður sálfræðingur og hefur lagt sérstaka áherslu á þá sálfræðilegu þætti sem liggja á bakvið peninga. Áhugavert spjall, þar sem við förum um víðan völl á þessum stórmerkilega anga sálfræðarinnar! Einnig skyggnumst við á bakvið tjöldin við gerð þáttanna og gefum bestu ráðin eins og áður. Eitthvað fyrir alla í dag!

Þátturinn er í boði:

Aukakrónur 

Bónus

Aurbjörg

Félag lykilmanna

MyIgloo

Þá er komið að lokaþættinum sem verður helgaður keppendum okkar. Því miður voru Kristjana og Daníel vant við látin en Jóhann & Askur og Ólafur & Guðrún mættu eldhress. Nú þegar keppni er lokið spyrjum við þau um reynslu þeirra úr þáttunum og lífið eftir keppnina. Takk kærlega fyrir áhorfið og hlustunina í þessari þáttaröð og við sjáumst í þeirri þriðju! 

Við fengum til okkar hann Halldór Kristinsson sjóðsstjóra og forstöðumann hlutabréfa hjá Landsbréfum og fórum yfir víðan völl í fjárfestingum. 

Það eru fáir eins fróðir um persónuleg fjármál og sjálfur Björn Berg sem mætti til okkar og úr varð tæpur klukkutími af umræðum um hin ýmsu málefni. Við ræddum allt frá framtíðarreikningum barna til lífeyrismála og því er þessi þáttur fyrir fólk á öllum aldri. Sannkölluð virðissprengja í þætti dagsins!

Þátturinn er í boði:

Við fengum til okkar hana Katrínu Björk sem er minimalisti og sannkallaður sérsfræðingur þegar að kemur að matarinnkaupum. Hún heldur úti Youtube rás með 126.000 fylgjendum þar sem hún miðlar visku sinni í sparnaði en auk þess þá heldur hún úti "Meira með minna" á instagram og facebook. Við fórum yfir hvernig hægt er að besta matarinnkaup inn á heimilið, markmiðasetningu og margt fleira. Stórskemmtilegur þáttur og alveg hrikalega gagnlegur!

Þátturinn er í boði:

Þessa vikuna fengum við til okkar hana Írisi Líf sem stefnir að því að verða fjárhagslega sjálfstæð fyrir þrítugt með FIRE aðferðafræðinni. Við spurðum hana spjörunum úr og úr varð magnað viðtal við unga konu á uppleið sem lætur fátt stoppa sig.

Þátturinn er í boði: