Alno het 'n artikel geskryf hier op Wat Jy Waar Kry oor die gevaar van "praise and worship". In hierdie podcast gesels ons oor een of twee slaggate van lofsang en aanbidding waarvoor ons moet oppas en ons gesels kortliks oor die belangrikheid van die lirieke van lofsang en aanbidding.

In hierdie podcast gesels ons oor 'n artikel van die Anglikaanse kerk wat hul eie 10 gebooie of reëls uitgebring het vir hoe 'n mens Sosiale Media behoort te gebruik.

Ons gesels oor 'n artikel wat onlangs in die koerant was rakende aborsie en Michelle, die skrywer van die artikel, gesels saam met my oor die onderwerp.

Hoekom moet ons verse binne konteks aanhaal? Hoekom is die konteks van 'n vers belangrik? Luister 'n bietjie na ons gesprek oor konteks waar ek (Riaan) met Alno en Charl Smit gesels.

In hierdie episode gesels ons oor verkiesings en uit die aard van die saak oor regerings. Ek en Chris kyk na 'n paar verse wat vir ons leer oor hoe ons as Christene moet optree teenoor die regerings wat aan bewind is en ook wat God van ons verwag. Dit is 'n bitter pil om dalk te sluk as ons siening oor verkiesings en die president in lyn moet bring met God se Woord.

Matteus 6:14-15 sê dat ons vergewe sal word as ons ander vergewe; dat as ons mense nie vergewe nie, dan vergewe die Vader ons ook nie. In hierdie potgooi gesels ons oor vergifnis en wat dit als behels.

Die NG Kerk was die laaste ruk in die koerante gewees en het weer opslae gemaak rakende die homoseksuele kwessies binne in die NG Kerk. die Kerk is hof toe gesleep en daar is heelwat verwarring oor wat eintlik aan gaan. Ons gesels met Alno oor wat eintlik aan die gang is.

Hierdie is ons eerste pot gooi en intro vir wie en wat Wat Jy Waar Kry is. Luister gerus!