weder übel no hart

Leute, d Hütte brennt – nid nume metaphorisch, sondern bi dr Anna letschti tatsächlich, was eus drzue brocht hett, in dere Folg über s verhalte in so akute notfäll z rede und wie mir das so umgsetzt kriege (najaaaa he). S isch aber nid nume das gsi, was die vergangene zwei Wuche zumene wilde Trip gmacht hett; mir hei viel z verzelle gha und no viel mehr erlebt. Drum isch das e zimlich vollpackti Episode: vo eusem Wuchenend in Wien, über Rave im Modus z Lieschtel, zu STI Teschts; ihr werdet mit gnueg Inhalt versorgt und wie immer nehme mr s Lebe aber auch nid allzu ernscht. I hoff, ihr chönnet chli mit eus mitschmunzle.

Paar Empfehlige heimer euch au do gloh:

- "Fruit Fly" vo Josh Silver

- "Laute Nächte" vo dr Anne Freytag

- Eusi Lieblingsbuechhandlig, s Forum (au uf Instagram)

- Neue Trans*Beratung in Basel (NTBB); Walk-In-Agebot (z.B. 30.- STI Testing im November für trans*,enby und questioning folks)

Viel Liebi an euch, take care!

"weder übel no hart" uf Instagram:

@larauebelhart

@annauebelhart

Liebi Hörendi <3

Nachere astrende, intensive Wuche (dr September goht scho drei Mönet, oder??) heimer es paar random Stories usem Lebe uspackt, surprise surprise. Paar drvo si sehr aktuell, anderi si e Schwank us längscht vergangene Zite. Sit ihr scho moll bi dr Kadaversammelstell gsi, will dr s Hustier vonere Fründin, wo in de Ferie isch, müend go entsorge? Nischewüsse, aber you never know when you might need it. Usserdem hemmer ENDLICH, in a surprising turn of events, s Sprissegate chönne abschliesse. In dere Episode bewise mir au wieder, dass mir euses Erwachsenelebe somewhat im Griff hei; wenn d Anna im Suff s neue Iphone vorbstellt oder emotional wird wege Matcha. Oder wenn s Masterstudium scho mit Schlofmangel in de Chnoche startet und vergesse goht, dass au Laras Täg nur 24h hend?!? Aber hey, irgendwie isch s Lebe grad mega geil und intense. Und egal, wie überforderet mir sind: Im Chline finde mr immer öpis, wo eus sehr glücklich macht. Sigs es kontroverses Buech, vonere liebe Person bechocht werde oder e Lachflash mit em Twin. 

Danke fürs Lose!

"weder übel no hart" uf Instagram:

@larauebelhart

@annauebelhart

Hallo ihr Liebe <3

Hüt gits für euch e vollpackti Ladig typischs Zwillingsgelaber vo eurne Lieblingspodcastchaot*inne (claim ich jetzt eifach moll so). 

S lila.queer festival isch verbi und mir rede als Abschluss vo dem Thema über eusi Erfahrig in de Rolle als Gniessendi und Arbeitendi am diesjöhrige lila. Queer Joy isch das, was für eus beidi dr Grund isch, warum mir dört sind und was uns atribt. Glichzitig sind die positive Emotione immer ganz nöch an de schwere Emotione. Was mir nämlich au teile: Nid nur eimoll begegnet me in dem Kontext sine Grenze oder goht (mehrfach) drüber. Aber was isch s Lebe scho ohni Grenzerfahrige? Usserdem hilfts, wenn me bi heisse Reggeaton Beats d Hüfte cha schwinge, bi hotte queere Shows in kompletti "gay panic" cha verfalle und paar Minute spöter bimene Comedy Set vonere autistische Lesbe brüelend fascht vom Stuehl gheit vor Lache.

Queerness makes life so sweet, vor allem, wenn me sich in ihre immer wohler fühlt. So wohl, dass mes denn au nach use chan träge. Danke, dass ihr eus so nehmet, wie mr si. Ihr sid doch alli Goldschätzelis.

Und danke Anna, dass du mi so nimmsch wie ich bi, au wenn ich Ginger Beer uf dis tolle Sofa leer. Lieb di doch.

Have fun listening (we had so much fun recording). <3

"weder übel no hart" uf Instagram:

@larauebelhart

@annauebelhart

Hoi ihr Liebe <3

Nachere Wuche Pause simmer wieder zemmeghockt und bringe euch und eus ufe neusti Stand der Dinge. Unter anderem gits e Sprisse-Update vo dr Lara. Sege mir s moll so: Das goht alles irgendwie in e falschi Richtig. Usserdem hei mir über Freiwilligearbeit gredet und weli Währig, abgseh vo Geld, ebe au wichtig isch. 

Do chönneter euch zum Jugendurlaub schlau mache: https://jugendurlaub.ch/

Wie meistens hemmer au paar Empfehlige drbi:

• Unisonar
• Anora (eher e Anti-Empfehlig)
• The Gentlemen aka Bi-Panic

Viel Spass bim Lose!

"weder übel no hart" uf Instagram:

@larauebelhart

@annauebelhart

Halli Hallo ihr Liebe!

Hüt teile mr wieder moll ganz ehrlich, wie mr eus so durch euses Erwachsenelebe schlönd und au wenns kei Tipps für euch drbi hett, denn gits immerhin paar unterhaltsami Anektdote. 

Empfehlige bechömeter drfür bi anderene Sache als "si shit im Griff ha" und zwar bi de Sache, wo s Lebe eifach schö mache:

• s Buech "Yesteryear" vo dr Caro Claire Burke
• D Prime Serie "Sterling Point"
• s lila. queer festival 2026 -> tickets füre 10./11./12. September si uf Eventfrog erhältlich! <3

Machets guet und bis nögscht moll:)!

"weder übel no hart" uf IG: 

@annauebelhart; @larauebelhart

Liebi Hörendi

Die hütigi Episode befasst sich mit em oft recht holprige Weg zum erhoffte Therapieplatz, wo us aktuellem Alass bi eus grad präsenter isch, als au scho. Mir hei beidi eusi Erfahrige mit Psychotherapie gmacht, wo mengisch sehr hilfrich, mengisch aber au eher kontraproduktiv gsi isch. Das Thema isch sehr persönlich und es betrifft eus alli unterschiedlich; trotzdem gits Aspekt, wo sich dureziehnd und hüfig durch s System bedingt si. Mit euse eigene Erlebnis und eure muetige und bewegende Isendige hemmer für euch es paar Pünkt zemmetreit, wo chönne helfe, uf dem hüfig undurchsichtige und frustrierende Weg zur Psychotherapie vorwärtszchoh.

Nid jedi Person BRUCHT Psychotherapie. Aber wahrschinlich profitiere die allermeischte Mensche vo dr richtige Form, mit siner eigene Psyche ine Usenandersetzig z goh. Sini eigeni mentali Gsundheit ernscht z neh und dört au Verantwortig z überneh isch HOT as hell und macht s Lebe nid nur für eim selber, sondern au für d Mitmensche besser. But it's fucking hard. 

Ressource und Empfehlige us dr Folg:

• Website vom VPB: Information und Vermittlig vo psychologischer und ärztlicher Psychotherapie in BL und BS 
• Website vom FSP, Psyfinder: schwizwiti Plattform zum Finde vo Psycholog*inne
•  Doc24, schwizwit; (cha me mache, wär nid eusi 1. Empfehlig)
• Geplaper, Plattform zum Gsundheitsfachpersone sueche UND empfehle; Community based (das drfür e Herzensempfehlig)
• Inoffiziells Verzeichnis vo queerfriendly Gsundheitspersonal; ufgrund vo persönliche Empfehlige, zemmegstellt vo dr Anna Rosenwasser und LOS

Hilfrichi Wegwiiser füre Weg zum passende Therapieplatz:

1. Mehreri Therapeut*inne afroge und au, wenn sie "offiziell" kei neui Patient*inne ufnehme. Am beschte per Mail mit churzer Beschribig vo dir und vor allem de Gründ, warum du Therapie willsch mache.
2. Lieber mehreri Erschttermin wohrneh und denn entscheide, statt öpis wähle, wo nid passt. Füre Therapieerfolg isch es entscheidend, dass me sich wohl und safe fühlt und d Heragehenswiis vo dr Fachperson bi dir achunnt. Listen to your gut feeling.
3. Jewils abkläre, ob über d Grundversicherig abgrechnet cha werde; das isch für verordneti Therapie entscheidend. Normalerwis isch das sehr transparent uf dr Website/im Verzeichnis vermerkt.
4. Wenn du Therapie suechsch, denn isch das alli Legitimation wo du bruchsch, zum sie bechoh. Du muessch di nid bewiise, e Leischtig abliefere. Wenn dir öper s Gfühl git, du chasch nid alles sege oder du di oder Teil vo dir nid gseh fühlsch: RUN (or walk, but get out of there). Au wenn du Therapie bruchsch; du bruchsch uf kei Fall SHITTY Therapie. Es söll astrengend und konfrontativ si, aber es darf di nie in e Position dränge, in dere du nid willsch si.

S isch e Strugglebus, aber we are riding it together. Es lohnt sich, drbi z blibe. You are never alone und muetig si hett sich no immer glohnt.

Mit dicker Umarmig vo de Twins (falls de sie willsch) <3

"weder übel no hart" uf IG: 

@annauebelhart; @larauebelhart

Hallo zeme :)

Hüt moll e churzi und knackigi Beschribig füre nid so churzi, aber drfür umso knackigeri Episodode mit paar Banger Empfehlige (not biased at all). Mir rede hüt über eusi Erfahrig am Tension, Handyverlust und was eus süscht grad so beschäftigt. 

Empfehlige:

• film: voicemails for isabelle (netflix)
• es dütsches buech: laute nächte, anne freytag
• es englischs buech: I hope this finds you well, Natalie Sue
• Moodos, s DJ Duo us Basel und ihri Gschicht

E chline Teaser uf die kommendi Folg hemmer au scho moll useghaue. Enjoy <3

"weder übel no hart" uf IG: 

@annauebelhart; @larauebelhart

Ihr Liebe

Schön, siter do! Mir rede hüt zum eine über die riskanti Situation vom Redli schloh imene Bikini, insbesondere, wenn mes ufere Bühni voreme Publikum und im Livestream macht. Aber wie seit me so schön: No Risk no Fun!! 

Mir springe in wohlbekannter ADHD-manier durch vieli verschiedeni Theme und hei e damn Good Time drbi. I mean, was isch eigentlich mit dr Schwizer Poscht los? Wieso verschwinde so viel Filiale, wenn sie so wichtigi Funktione erfülle und anschinend au mega herzigi Lüt dört schaffe?? Hä? Denn heimer irgendwie wiedermoll chli e längeri Sequenz zu Bodybuilding gmacht, will mr mittlerwile usere andere Perspektive druf luege, was es wieder sehr spannend macht. Au spannend isch grad dr Hinge Versuech Nr. 1374583 vo dr Lara. Wie krieget ihr das ane mit dene Dating Apps? Oder generell mitem Dating? *Error 404*. Erfolgricher isch drfür e Schribworkshop im Rahme vodr inspirierende, unfertige Kunstusstellig „Art Unterwerk“ gsi. Beides isch vo tolle Kollektivs us dr Region Basel organisiert worde und sie sind phänomenal guet drin, Ort z schaffe, wo me sich wohl und inspiriert fühlt. So öpis isch eifach nur guet fürd Seele.“

Empfehlige:

• s queere Basler Schribkollektiv "Q.U.I.C.H.E." und do uf Insta
• s Kollektiv "Ansichtssache", au us dr Region Basel, wo Kunst- und Kulturschaffendi zemmebringt

"weder übel no hart" uf IG: @annauebelhart; @larauebelhart

Ihr Lieben <3

Hüt heimer eus für e kollektivi usgiebigi YAPPPP-Session versammlet und ihr sid herzlich willkomme, mit an Bord zsi. Mir sind nur fascht untergange oder eher in dr Hitz zerflosse, aber die hütige Theme hei eus über Wasser ghalte. S git e chlises Update über euse aktuelli unbequemi Zuestand nach de Ferie und natürlich au paar Anektdötli, was d Anna in Frankrich so triibe hett, usser richtig geil und viel schlofe. S Highlight isch übrigens NID Rummikub??? 

Mir verzelle au, uf was mir eus freue und wo mir an dem Tag, wo die Episode usechunnt, werde tanze und drbi versueche, kei Wiederholig vo dr Gurte 2026 Experience z rekreiere (iykyk). Euse Lieblingsstylingtipps haue mr au no use und NATÜRLICH hetts öpis mit Lesbians z tue. Logisch. Hach, über Mode chönnte mr lang philosophiere. Und drüber rede, warum mir eus so chleide, und was mr drmit wennd erreiche, usser Alti Wissi Männer irritiere.

Empfehlige:

• Burgundy Mascara vo Essence (Neui Obsession Lara)
• Instagram-Profil vo "meetcutesnyc" (Nur wholesome! D Anna liebts)
• Empfehlig vo dr Namensgeberin vo dem Podcast (!): Gugus Gurte vom Kulturort Heitere Fahne am Fuess vom Gurte.

"weder übel no hart" uf IG:

@annauebelhart; @larauebelhart

Halli hallo

Unverhofft aber au mit viel Freud vo eusere Site skippe mr die akündigti Pause die Wuche und liefere euch doch e weder übli no harti Portion Podcast! Dr Grund drfür erfahret ihr direkt in der Episode. Mir hei jo eh plant, euch vo euse Erlebnis ufem "Güsche" z verzelle und hätte euch so gern vorgschwärmt, wie toll d Vibes, s Esse und vor allem dr lang ersehnti Uftritt vo dr Königin "Lorde" gsi sind. S isch unerwartet ganz anderscht choh und mir sind bi dr Ufnahm immer no sehr enttüscht gsi. Für eus isch aber schnell klar gsi, dass die Episode, wo mr euch ungfilteret vo eusere actually üble und harte Gurte-Realität verzelle, eigentlich viel wichtiger isch. Und ihr werdet merke, dass es au gar nid wirklich nur um das spezifische Festivalerlebnis goht. Moment vo dr Überforderig, akutem Lidensdruck und harti Entscheidige präge euses Lebe nämlich immer wieder. Und mir wüsse, dass mir mit dem nid chönne ellei si. Drum rede mr drüber.

Siget lieb mit euch. Dörfe mr alli meh si.<3

Informatione zu Sicherheit und Care bim Gurtefestival: https://gurtenfestival.ch/de/info/#feel-safe-together-care-team; https://gurtenfestival.ch/de/info/#sunflower-lanyards; https://gurtenfestival.ch/de/info/#festival-helpline

-> Sidenote: Die normali Website mit dene usführliche Informatione isch us technische Gründ während und churz vorem em Festival NID guet uffindbar gsi. I ha drnoch gsuecht und frustriert ufgeh, willi denkt ha: Naja, goht eh. Wäre die Informatione besser zuegänglich gsi, hätte mr meh Tools gha. Hätti mr meh bzw. früehner Zit gnoh, hätti mitem Team chönne ine Ustusch goh. Takeaway für d Zuekunft: Als Betroffeni lieber früeh drmit usenandersetze und vorbereitet si. S Gurte macht, wie ihr gsehnd, viel für Inklusion, aber isch halt au nid perfekt. Nur gmeinsam chönne mr möglichst gueti Care für alli Persone sicherstelle. Und die Verantwortig träge mr alli mitenand. 

"weder übel no hart" uf IG:
@annauebelhart; @larauebelhart