ဝန်ကြီးချုပ်ရုံးမှာ အလုပ်လုပ်ခဲ့သူ ၁၂ ဦးရဲ့ တိုင်ကြားစာမှာ အလုပ်ထွက်ခဲ့တဲ့ ဝန်ထမ်းတွေဟာ “အမြဲတမ်း အတွင်းဝန် မကြည်ပြာ၏ ရိုင်းစိုင်းမောက်မာမှု၊ မလျော်သြဇာသုံးစွဲမှု၊ အလွဲသုံးစားမှု၊ အထက်ဖာ အောက်ဖိ စရိုက်များကြောင့် ဝန်ကြီးချုပ်ရုံးကို စွန့်ခွာခဲ့ကြသူများဖြစ်ပါသည်” လို့ ရေးထားပါတယ်။ ခု တိုင်ကြားသူတွေထဲမှာ CDM ဝန်ထမ်း ၅ ဦး၊ NLD ပါတီဝင် ၂ ဦး၊ နိုင်ကျဉ်းဟောင်း ၁ ဦး၊ တက်ကြွလှုပ်ရှားသူ ၄ ဦးတို့ ပါဝင်ပါတယ်။ တိုင်ကြားစာမှာ လက်မှတ်ရေးထိုးထားတဲ့အထဲက ဝန်ထမ်း ၄ ဦးကို ကျနော် အင်တာဗျူးမေးမြန်းထားပါတယ်။ သူတို့ လုံခြုံရေးအတွက် မူရင်းအသံတွေကို ပြောင်းလဲထားပါတယ်။