視障鋼琴家李昇，近年踏足舞台，參與舞台劇演出。究竟當初係乜嘢驅使佢踏出舒適圈呢？除咗演員之外，佢仲有乜嘢新嘗試？

香港話劇團再次帶嚟法國劇作家齊勒嘅劇品，今次係舞台作品<兒子>。助理藝術總監兼<兒子>嘅導演邱廷輝，除咗介紹齊勒作品特色，仲會講吓呢個作品帶比佢嘅反思。

約定你星期六晚9點到10點，香港電台第二台，

一齊打開<藝文谷>呢本聽得嘅藝術文化雜誌吖！

智能電話成為我哋生活中不可或缺嘅部分，但你又知唔知，電話嘅發展史呢？收藏家兼電話修理專員羅肇忠Uncle Sam 將幾十年嚟嘅收藏公諸同好，仲會分享箇中嘅發展歷程。睇完你就知「打電話」、「收線」嘅由來！

身體缺陷，無阻礙到佢嘅藝術發展。視障鋼琴家 李昇發展多年，今日已經成為一個獨當一面嘅藝術家。到底佢點樣一路走來？邱焱喺藝想大世界同李昇由佢孩童時代開始講佢嘅音樂之路。訪問仲會收錄李昇嘅鋼琴演奏，究竟佢會彈邊首音樂呢？

記得星期六晚9點到10點，香港電台第二台，

一齊打開《藝文谷》呢本聽...

去藝術博會大家可能去唔少，喺酒店房內睇藝術展覽，你又試過未？

9月底，whatz 國際當代藝術博覽會 喺香港其中一間酒店舉行。今次，香港藝術家吳觀麟、書法家馮以力都會參展，更會首次合作，共同創作。

到底今次佢哋合作成點呢？梗係聽佢哋自己講啦～

笑，係我哋人類嘅共同語言，而喜劇就為大家帶嚟力量。中英劇團助理藝術總監盧智燊，將百老滙長壽喜劇The Play that goes wrong嘅粵語版《你個戲壞咗呀！》帶嚟香港，究竟呢個戲有幾難排，又有幾好笑同有幾重要呢？

記得星...

「中華文化節2025」及「亞藝無疆」藝術節2025嘅重點節目，香港中樂團第49樂季開幕音樂會
《絲語 · 琵琶》，點解會重點highlight 琵琶呢件樂器？音樂會有由來不同地區嘅藝術家演出，作曲家陳明志博士，會介紹其中幾件特別嘅樂器。

速寫即係快速寫生，一張紙一枝筆，可以記錄藝術家嘅想法。簡國軒自細鍾意畫畫，尤其對城巿、街道感興趣，所以佢以速寫為香港記錄城市發展嘅不同面貌。到底速寫有咩技巧？佢嘅著作《紙筆．香港：香港城市變遷的筆墨記錄》仲會講乜嘢？

記住星期六晚9至10，香港電台第二台...

今集藝文谷，會帶大家走入香港文化博物館。依家進行緊嘅展覽 「漫眾同樂 — 幽默港漫格格趣」，係香港流行文化節2025嘅節目之一。

展覽會從漫畫家嘅角度出發，呈現1950年代至今嘅重要作品。

點解會以「幽默」 為題材？而展覽有咩亮點呢？

今集同時會有人類學家張展鴻帶嚟嘅「味覺漫遊」 ，帶我哋了解「美食之都 - 成都」嘅飲食文化特色！

記住星期六9點 ，香港電台第二台：

一齊打開「藝文谷」呢本聽得嘅藝術文化雜誌！

西九文化區、香港話劇團攜手合作嘅音樂劇《大狀王》，今年8月再次喺香港上演。

今次製作有乜嘢亮點？導演方俊杰話有幾方面。

香港小交響樂團再度同麥兜合作 ，今次演出點解叫做「音樂廳裏的圖畫」 ？ 高級市場及業務拓展經理莫皓明Amanda 會慢慢話你知。

香港浸會大學中文系講師蕭欣浩博士，為「香港非文物文化遺產清單」中嘅九個同食物製作相關嘅項目出版咗一本書，佢話呢啲項目同我哋日常生活息息相關，究竟係邊幾項？而大家又可以點樣保護育非遺？

星期六晚9至10，香港電台第二台 《藝文谷》，一次...

展覽「光影邊緣—香港電影的臥底世界」 向8部有卧底元素嘅本地電影致敬，展覽創意總監兼聯合策展人陳詠燊點樣諗到個咁貼切大館嘅主題？第一次做策展人，又有無考起佢呢？如果要佢私心推介，佢會揀邊一個展區？

雜誌《Time Out》2020年選出全球40個最酷社區，而「深水埗」入選第三位，究竟呢度有咩特色？點解《深水埗101》嘅作者劉智仁話，有多過101個愛上深水埗區嘅理由呢？

星期六晚9點

香港電台第二台

一齊打開《藝文谷》呢本聽得嘅藝術文化雜誌啦！

香港舞蹈團嘅新作《世一衝衝衝2.0》，加入共融嘅元素，到底舞蹈團嘅成員同輪椅體育舞蹈運動員嘅磨合過程係點呢？

香港中樂團喺啟德體育園舉行新樂季發佈會，佢哋嘅藝術總監兼終身指揮閻惠昌教授，會分享新季度嘅重點節目！

記得收聽星期六晚9點鐘，香港電台第二台嘅《藝文谷》喇！

經典童話動畫電影<美女與野獸>不經不覺上映近35年，今年有本地插畫師STEVEN CHOI 繪畫嘅繪本出版，佢會加入乜嘢新點子，令經典重現大家眼前呢？

香港舞蹈團嘅合家歡節目<世一衝衝衝>2023年上演，嚟到今年2.0版本上架，會加入共融嘅完素，到底體育、舞蹈、輪椅呢三個要素，會擦出乜嘢火花呢？

記住留意星期六晚9點鐘，香港電台第二台播出嘅藝術文化雜誌<藝文谷>喇！