【詩名】：咱來參加萬年祭

【作者】：林鳳珠

【詩文】：

菱角若在採 咱就知也秋天已經來

左營兮萬年祭又更會鬧熱起來

蓮池潭即時當燒絡

大人、倪也攏相招

有人去踅潭邊兮大細間廟

有人佇廟內迭卜貝乞棋糕

來！來！ 咱來去茶棧啉茶兼行棋

我食你兮棋子 你嘛食我兮棋子

奚棋子也是棋糕 會當予人食入嘴

萬年縣是舊名

今也新名叫左營

左營有軍營

來左營大家來攻炮城

炮兮影 鼓兮聲

火獅開始遊舊城

黃火獅欲祝福

青火獅賜平安

紅火獅來祈願

願家家戶戶攏美滿

願歡樂兮氣氛拓到歸台灣

註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

只顯示部分資訊