鄭南榕識講：「未來愛仰仔發展係當難去胚算个，毋過(人恩enˊ)頭到尾堅信，斯有倚勢人民个力頭全民知好覺醒，臺灣正會有公理正義到來个一日。」

鄭南榕識講个這句話，在毋共樣个時空背景下，還係值得(人恩enˊ)深深思考。

佢做个犧牲，看起來強烈又決節，這背後還較多个係佢對這搭土地當深當深个愛，佢愛佢个屋家人、佢个朋友、佢个同事，希望下二代人做得生活在還較自由个環境。

故所在佢面對了1980年代存在个限制同壓迫，佢正會選擇用生命去拚去突破。

這下，(人恩enˊ)个社會同頭擺毋共樣了，面對的挑戰同問題乜全無相同，自由个環境有(人恩enˊ)定著愛面對个問題，比將講愛仰仔分出資訊个真假好壞呢？愛仰仔爭取還較多元平等个價值呢？愛仰仔追求還較公平正義个社會呢？繼續捍衛普世个人權。

毋過共樣个係，(人恩enˊ)共下承擔了台灣个未來，在《自由時代》週刊盡尾一期个雜誌封面標題項就寫等：中國會用武力攻台灣嗎？這隻疑問，到了這下還係台灣人愛面對个問題，你心肝想愛的未來係麼个樣仔呢？你願意為著理想當中个未來做兜仔麼个事情嗎？請你同(人恩enˊ)共下詳細來愐看阿，因為，剩下來該就係(人恩enˊ)个事情咧。

--

Hosting provided by SoundOn