鄭南榕識因為發起反戒嚴个社會運動，分當局安咧一隻違反選罷法个罪名抓去關，在坐囹仔个時節，佢逐日寫日記，其中一句就係你這下看著个：「台灣成為自由國度个機會」。

看轉鄭南榕个理念同行動，會發現佢其實係緊在該創造機會，愛台灣成為還較自由个所在。

毋過，這下个台灣，異像還有一段路愛行。

因為當多前輩个打拚，台灣行向開放民主个社會，嗄面對另外一隻還較強勢个中國打壓。在公開个場合項，(人恩enˊ)還係有兜話做毋得講；在國際个時局當中，(人恩enˊ)係對奈來該呢？都無辦法講清楚。

在鄭南榕殉道个幾下十年過後，你試著，台灣成為自由國度个機會係麼个呢？(人恩enˊ)還有哪兜毋罅个呢？

--

Hosting provided by SoundOn