若是照傳染病科學講的「群體免疫」，應該是七八成的人民注過兩筒的預防射了，就會使免管制，恢復正常生活矣，這款的政府才是尊重科學。跟佇外國的同窗開講，人今馬是佇咧度假滑雪，怹遐已經無咧報幾個人得病矣。

若是無愛睬已經有七八成民眾注過兩筒，嘛無欲看病毒的傳染力越變越強，重症率越來越少的趨勢，仝款規工咧報幾個人確診，有任何風吹草動就全區PCR，共確診的人數當做執政的成績，這就變成是政治創治科學矣，全世界的政府攏愛注意，疫情才有結束的一工。