ཀུན་གླེང་། - ཨ་རིའི་རླུང་འཕྲིན་ཁང་།

ཀུན་གླེང་ལས་རིམ་དུ་བསྟན་འཛིན་ནོར་བཟང་ལགས་ཀྱིས་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བདེ་ཆེན་དཔལ་མོ་ལགས་དང་ལྷན་དུ་རྒྱལ་ཚོགས་ཀྱི་ཁོར་ཡུག་ལྷན་ཚོགས་ཐེངས་༢༩ པ་ཚོགས་བཞིན་པ་བསྟུན་བོད་ནང་གི་ཁོར་ཡུག་སྐོར་ཞུ་གཏུག་གནང་བཞིན་པ་སོགས་ཀྱི་སྐོར་བཀའ་འདྲི་ཞུས་ཡོད།

ཀུན་གླེང་དུ་ཕུན་ཚོགས་ལྷུན་གྲུབ་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་བུ་ཆུང་ཚེ་རིང་ལགས་དང་ལྷན་ཨ་རིའི་བདམས་ཐོན་སྲིད་འཛིན་ཊམ་གྱི་གཞུང་གསར་པའི་བློན་ཆེན་ཁོངས་སུ། རྒྱ་ནག་ཐོག་སྲིད་ཇུས་མཁྲེགས་པོ་འཛིན་མཁན་ཁག་ཅིག་བསྐོ་གཞག་བྱས་པ་དེས་བོད་དོན་ལ་དགེ་མཚན་ག་རེ་འབྱུང་རྒྱུ་ཡིན་པའི་ཐད་བགྲོ་གླེང་ཞུ་རྒྱུ་ཡིན།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་ཛམ་ལྷ་བསྟན་པ་རྒྱལ་མཚན་དང་ལྷན་དུ་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་བཅུ་པའི་སྐོར་ནས་བགྲོ་གླེང་ཞུས་ཡོད།

ཐེངས་འདིའི་གསར་འགྱུར་ཞིབ་འགྲེལ་གྱི་ལེ་ཚན་ནང་ཚེ་རིང་དབང་མོ་ལགས་ཀྱིས་ཚེ་བརྟན་དབང་ཕྱུག་ལགས་དང་ལྷན་ཨ་རིའི་བདམས་ཐོན་སྲིད་འཛིན་ཊམ་གྱིས་རྒྱ་ནག་གི་སྟེང་དུ་འཛིན་པའི་དཔལ་འབྱོར་སྲིད་ཇུས་ཐད་བགྲོ་གླེང་ཞུ་རྒྱུ་ཡིན།།

ཀུན་གླེང་ལས་རིམ་ནང་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གིས་དབུ་འབྱེད་གནང་བའི་སྨོན་ལམ་མངོན་གྱུར་དག་གི་ཁྱད་ཆོས་དང་བཀོལ་སྤྱོད། མི་མང་གིས་མཉམ་ཞུགས་གནང་ཕྱོགས། དེ་བཞིན་མ་འོངས་པའི་ཁ་ཕྱོགས་དང་བཅས་པའི་སྐོར་ལ་སྨོན་ལམ་བརྡ་འཕྲིན་ཞིབ་འཇུག་ཁང་གི་འགན་འཛིན་འབུམ་རམས་པ་དགེ་བཤེས་སྨོན་ལམ་ལགས་དང་ལྷན་དུ་གླེང་མོལ་ཞུས།

ཀུན་གླེང་ལས་རིམ་དུ་ཕུན་ཚོགས་ལྷུན་གྲུབ་ལགས་ཀྱིས་འབུམ་རམས་པ་ཚེ་དབང་རིག་འཛིན་ལགས་དང་ལྷན་དུ་ཨ་རིའི་བདམས་ཐོན་སྲིད་འཛིན་ཌོ་ནལ ཊམ་གྱི་གཞུང་འཛིན་གསར་པས་མ་འོངས་པར་རྒྱ་ནག་དང་བོད་ཐོག་འཛིན་སྲིད་པའི་སྲིད་ཇུས་སོགས་ཀྱི་ཐད་ནས་བགྲོ་གླེང་ཞུས་ཡོད།

ཨ་རིའི་ལས་བཟོ་ཚོགས་པ་SEIU ས་གནས་མི་ནི་སོ་ཌའི་ཚོགས་གཞོན་འཇིགས་མེད་ཨུ་རྒྱན་ལགས་དང་ལྷན་ཨ་རིའི་གྲུབ་མ་ཐག་པའི་༢༠༢༤ལོའི་འོས་བསྡུ་དང་བསྟུན་ཆབ་སྲིད་འགྱུར་བ་ཆེན་པོ་ཞིག་འབྱུང་བཞིན་པའི་སྐབས་འདིར་བོད་དོན་གོ་རྟོགས་སྤེལ་བའི་གོ་སྐབས་གསར་པ་ག་རེ་འབྱུང་སྲིད་པ་དང་།གོ་སྐབས་དེ་དག་དམ་འཛིན་བྱེད་ཕྱོགས་ཐད་བགྲོ་གླེང་ཞུ་རྒྱུ

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འདི་ག་ཨ་རིའི་རླུང་འཕྲིན་ཁང་གི་རྩོམ་སྒྲིག་པ་དང་གསར་འགོད་པ་ཚེ་བརྟན་དབང་ཕྱུག་ལགས་དང་། བྱང་ཨ་རིའི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་རྣམ་གཉིས་དང་ལྷན་དུ་ཨ་རིའི་འོས་བསྡུའི་ས་ཁྲ་དང་མཇུག་འབྲས་ཐད་ལ་བགྲོ་གླེང་ཞུས་ཡོད།

ཨ་རིའི་འོས་བསྡུའི་ཉིན་མོར་གོ་སྒྲིག་བྱས་པའི ༢༠༢༤ ལོའི་ཨ་རིའི་རྒྱལ་ཡོངས་འོས་བསྡུ་ཆེན་མོ་དང་འབྲེལ་བའི་དམིགས་བསལ་ཐད་གཏོང་ལས་རིམ།

ཀུན་གླེང་དུ་ཨུ་རྒྱན་བསྟན་འཛིན་ལགས་ཀྱིས་བོད་མིའི་སྒྲིག་འཛུགས་ཀྱི་མགྲིན་ཚབ་པ་ཕྱི་དྲིལ་དྲུང་ཆེ་བསྟན་འཛིན་ལེགས་བཤད་ལགས་དང་ལྷན་ཨ་རིའི་རྒྱལ་ཡོངས་འོས་བསྡུ་འདི་འཛམ་གླིང་སྤྱི་དང་བོད་དོན་ཐོག་གལ་གནད་ཆེན་པོ་ཆགས་པའི་ཚད་དང་། དེ་བཞིན་བཙན་བྱོལ་བོད་མི་ཚོས་དོ་སྣང་ག་ཚོད་བྱེད་ཀྱིན་ཡོད་པའི་ཐད་བགྲོ་གླེང་ཞུ་རྒྱུ་ཡིན།