載着1500人嘅火車已經行咗幾日幾夜， 個個車廂都裝滿80個瞓喺自己行李上面嘅人， 車窗旁邊亦都堆滿哂啲背囊, 袋呀 一個個包袱， 只係剩返最頂頂冇被遮住， 勉強可以睇見車窗滲入嚟嘅曙光。面上感覺到一絲溫暖， 呢啲乘客全部都喺度諗緊? 今次嘅目的地應該係唔知邊個武器工廠， 然後要喺嗰度做勞工， 佢哋唔知道， 而家究竟仲喺西里西亞定係已經到咗波蘭。

當列車要準備入站換軌嘅時候， 車頭發出尖銳淒厲嘅氣笛聲， 車廂裏面極度恐懼嘅乘客之中， 有人叫：「睇到地名啦，前面個牌寫住奥 斯 威 辛」。

大家心都停埋， 呢個令人聞風喪膽嘅名代表着毒氣室焚化爐大屠殺， 火車慢慢駛入車站， 呢班囚犯亦慢慢認清楚眼前嘅事實， 佢哋已經嚟到奥斯威辛集中營⋯⋯

#香港 #cantonese #hongkong #講書 #閱讀 #故事 #心理 #香港人 #有聲書 #書評 #粵語 #說書 #書 #hk #book #hong kong