Í fréttum er þetta helst

Þriðjungslækkun á eldsneytisverði á höfuðborgarsvæðinu

Hvatti landsmenn til að hafna svartagallsrausi í áramótaávarpi

Þrír handteknir eftir að hnífi var beitt í alvarlegri líkamsárás

Rafmagn er aftur komið á í Tálknafirði sem hafði verið án þess síðan klukkan tvö í nótt þegar spennir í tengivirkinu á Kaldeyri fór. Búið er að tengja varaspenni sem fyrir var í tengivirkinu og var rafmagni hleypt aftur á á fjórða tímanum.

Lögreglumaðurinn Guðmundur Fylkisson sem hefur um árabil einbeitt sér að því að finna týnd börn og koma þeim í skjól var í dag útnefndur maður ársins hjá fréttastofu Sýnar. Við það tilefni fékk Guðmundur að beina spurningu að öllum formönnum flokkanna og sneri hún eðlilega að sérsviði hans.

Árið 2025 var metár í haldlagningu fíkniefna samkvæmt bráðabirgðatölfræði lögreglu. Lögregla og tollgæsla lögðu hald á samtals 468 kíló af marijúana, 106 kíló af kókaíni og 66 kíló af hassi.

Gróðureldur kviknaði í Húsavíkurfjalli á sjötta tímanum á gamlárskvöld. Allt tiltækt slökkvilið í Norðurþingi og nágrannasveitarfélaginu Þingeyjarsveit hafa barist við eldinn í kvöld í þurrum gróðrinum.

Takk fyrir í dag, sjáumst á morgun.