Emadvodza lasiphohlongo lasolwa ngekubulala lamabili ngetinsolo tekweba timvu eplazini iPampoenkraal Farm ePiet Retief kulindzeleke abuyele enkantolo lenkulu eMiddleburg kulesifundza iMpumalanga lamuhla. Basolwa ngekubulala Musa Nene kanye naSifiso Thwala nga-2020. Phambilini nabavele enkantolo bawaphika emacala lebasolwa ngawo lafaka ekhatsi kubulala, kutama kubulala, kutfumba kanye nekuphatamisa kusebenta kwesandla semtsetfo.