Ubugocotile bufakazi bakhe phsmbi kwelikomishana laMadlanga lobekayinhloko yeIDAC,  Adv Andrea Johnson. Kucubungula kabanti ngalobufakazi bakhe, simeme solwati ngetebugebengu, Dkt Mxolisi Mathebula

Lelikomidi lasephalamende lelibuke luhlelo lwekukhipha mengameli esihlalweni,livakalise kutsi litawubuyela enkantolo yemtsetfosisekelo kuze icaciseleka kahle ngesijubo senkantolo lephakeme yase-Nshonalanga Kapa ngaloluhlelo lwe-impeachment. Sikhulumisna nemmeli lotimele Melusi Xulu

Selucalile kusebenta luhlelo lwekubhala bashayeli betimoti labephula umtsetfo wemgwaco, lolwatiwa nge-Administrative Adjudication of Road Traffic Offences (AARTO). Kukhuluma ngaloluhlelo lweAARTO, simeme sikhulu seluphiko lwemaphoyisa emgwaco etikwnei letemisebenti yesive, temigwaco nekutfutsa eMpumalanga, Umnumzane John Nkuna 

Esigabeni setindzaba telukhetfo ngaboLesitsatfu namuhla sikhuluma ngemphelasontfo yekugcina yekubhalisela kuvota. Ngalokutayelekile sinalokhulumela iIEC eMpumalanga, Thanduxolo Chembeni.

Lilunga lelikomidi yasodolobha wamasipala weNkomazi, Thandeka Makamo utsi bangumasipala bahlamngene nebaholi bemphakatsi bewubhikishela emanti KaMaqhakeza. Bahlali bangenele siteleka ngasekucaleni kwaleliviki, bavala imigwaco bakhala ngekuswelakala kwemanti.

Lihhovisi laMhlabuhlangene lelilwa nesifo sengculazi iUNAIDS, litsi lokuvalwa  kwetimali tekusekela tinhlelo tekulwa nekusabalala kwalesifo kubeka imphilo yebantfu labanyenti engcupheni. Loku kuvele kulengcungcutsela yelihlandla lemashumi lamabili nesiftupha lekhuluma ngayo iHIV/AIDS lebanjelwe eRio De Janeiro, eBrazil. Umphatsiswa wetemphilo kulesifundza seMpumalanga Sasekani Manzini ungulomunye walabahambele lengcungcutsela njengoba sikhuluma naye ngelucingo akhona lena eBrazil...

Lelive  le-Ningizimu Africa kanye nelase-Nigeria, avumelene  ngekucinisa tinhlelo tekusebentisana letitsintsa  imitsetfo  lelawula  kungena nekuphuma kwebantfu,  bugebengu  kanye netekuphepha. Loku kulandzela    umhlangano  bewusemkhatsini kwebaholi balamave  lamabili  lobanjelwe edolobheni  i-Abuja nalapho  Indvuna  yelitiko letebudlelwano nemave angaphandle kuleli,  Ronald  Lamola nguye lowetfule umlayeto walelive egameni lemengameli  Cyril  Ramaphosa, lobhekiswe kumengameli waseNigeria  Bola  Tinubu. Simeme umnumzane Khanya Vilakazi usati setindzaba temave emhlaba kutokhuluma loludzaba

Masipala weCity of Mbombela usungule luphiko lolusha lolubukene nekucinisekisa kuhlonishwa  kwemitsetfo yamasipala etindzaweni letingephansi kwalomasipala. Loluphiko lolwatiwa ngekutsi yi-Intervention Unit kutsiwa luyabopha nangabe bantfu bephula imitsetfo yamasipala kuletindzawo letifaka ekhatsi i-Mbombela, i-Hazyview, i-White River kanye naKanyamazane. Kuva kabanti nge-Intervention Unit, simeme umphatsi walo-Sandile Masilela.

Lisekela lemengamelii we EFF Godrich Gardee uphakanyiswe njengalotawumelela lenhlangano embangweni wesikhundla sekuba ngusodolobha wamasipala weCity of Mbombela. Sikhulumisana naye lowa-Gardee.

Ummeli  lotimele lophuma enkapanini i-Ramoromisi, Malope and Nene Attorneys, Dan Malope, utsi sisebenti lesingashiya emsebentini sibalekela luhlelo  lwe-lifestyle audit akusivikeli ekutseni silandvwe sitobukana naloluhlelo nangabe kunetinsolo tenkhohlakalo ekhatsi.