Ligwalagwala FM Current Affairs

Njengoba sekuvotiwe kulolukhetfo lwabohulumende basekhaya, takhamuti tase-Tshwane ticela kutsi lobuholi lobutawungena busombulule lenkinga yekuswelakala kwemisebenti, kuphakelwa kwetinsita kanye netakhwioncanti letigugile. Siphiwe Mkhize naZandile Nkosi bayasibikela

Njengoba kuchubeka kubalwa kwemavoti, onke emehlo abuke bomasipala labakhulu bakulelive. Bosopolitiki bona balindze ngeliso lalohheya kubuka kutsi ingabe tetsembiso labatentile nakusakhankaselwa lolukhetfo tikhonile yini kubatfolela bavoti. Zara Groenewald naMillicent Phakathi bayasibikela

Emaphoyisa esifundza seMpumalanga atsi timbalwa tigameko tebugebengu letibikiwe ngalesikhatsi selukhetfo kulesifundza. Lokhulumela emaphoyisa alesifundza, Colonel Mavela Mosondo utsi kudutjulwe kwabulawa umuntfu munye eBushbuckridge ngalesikhatsi sicuku sebantfu sijabulele kuvota ngemphumelelo. 

Likhomishana lelukhetfo kulesifundza seMpumalanga litsi lenetisekile ngendlela kuhambhe ngayo lukhetfo lwabohulumende basekhaya. Lokhulumela lelikhomishana kulesifundza, Thanduxolo Chembeni utsi sekuya ngasemaphetselweni kubalwa kwemavoti kubomasipala balesifundza.....

I ANC kulesifundza seMpumalanga ilahlekelwe kusekelwa kulabanye bomasipala ngekwalamavoti langu 65% lasabaliwe. Bomasipala labafana ne Msukaligwa, Thaba Chweu, Pixley Ka Isaka Seme, Mkhondo, Victor Khanye ne-Dipaliseng kungengenteka babe bomasipala labalengako njengobe kubonakala kusete inhlangano letihambela yodvwa phambili.  Motsebi wa Monareng uyasibikela

Likhomishana lelukhetfo kulesifundza seMpumalanga litsi akumange kuphatamiseke kuvota kulesinye sitesshi sekuvota eBushubuckridge ngemuva kwekutsi kube nenkinga yagezi. Sicocisane nentsatseli yetfu, Motsebi wa Monareng

Njengaba bantfu bebaphumile bayovota kulolukhetfo lwabohulumende basemakhaya, umhlatiyi wetepolitiki, Zwelibanzi Mncube utsi lubukeka luhambe kahle lolukhetfo, waveta ngekutsi kubalulekile nekutsi tinhlangano tepolitiki tifeze titsembiso letitentile. 

Takhamuti tase-Motswaledi e Soweto titsi nanoma tineminyaka leminyenti tihlala endzaweni lengakatfutfuki kepha tinelitsemba lekutsi ngalelinye lilanga lesimo sitawushintja. labantfu bavete lokunga lesikhatsi balindze kuvota. Givent Mahlalela na Refilwe Mekoa bayasibikela

Likhomishana lelukhetfo i IEC kulesifundza seMpumalanga litsi konkhe kuhambe kahle njengaloku bekubanjwe lukhetfo lwabohulumende basemakhaya. Sicocisane nalokhulumela iIEC eMpumalanga,  Thanduxolo Chembeni.

Intsatseli ye SABC Motsebi Monareng usibikela kutsi kuhambe njani kuvota eBushbuckridge kanye nase-Thaba Chweu kulesifundza seMpumalanga..