Litiko letindzaba talabasikati, lusha kanye nalabakhubatekile ehhovisi lemengameli livakalise kukhatsateka mayelana nekwenyuka kwesibalo sekutibulala kwebantfu besilisi eNingizimu Africa. Sikhulumisana nendvuna yalelitiko Sindisiwe Chikunga ngalesimo..

Njengoba sewucalile umchudzelwano wendzebe yemave emhlaba iFIFA World Cup, sicele kukhulumisana naDr Thulani, longudokotela weSAF kantsi uhlala nasekomitini yabodokotela beFIFA. Kepha ukhona Dr Ngwenya luphuma Kanyamazane ngaseMbombela kulesifundza seMpumalanga kutotikhulumela.

Umphatsiswa welitiko letekubusa ngekubambisana, kuhlaliswa kwebantfu kanye netindzaba tebaholi bendzabuko  Speedy Mashilo wetfule luphakelotimali lwelitiko lakhe kusishayamtsetfo namuhla. 

Umphatsiswa welitiko  lemisebenti yesive, imigwacao netekutfutsa kulesifundza se Mpumalanga Thulasizwe Thomo, weftule luphakelo timali lwelitiko lakhe namuhla.

Inkhosi Makhosoke II - Enock Makhosoke Mabhena- wesive semaNdebele akaManala utawuhlonishwa ngemngcwabo losemtsetfweni i-Special Category 1. Lokhulumela sikhungo setekuchumana kuhulumende iGCIS, William Baloyi.

Emaphoyisa akulesifundza seMpumalanga atsi ayachubeka nekutfungatsa lomuntfu wesitsatfu lekusolakala kutsi bekakulemoti legcumukele emfuleni Umgwenya ngemphelasontfo leyengcile ekuseni lapho kushone labanye lababili. Sicocisana nalokhulumela emaphoyisa esifundze Colonel Jabu Ndubane

Ufuna timphendvulo umndeni walesisebenti senkapani legadza kulahleka kwetimoti ngemuva kwekutsi indvodzakati yabo iculeke ishone endlini lencane yalenkapani. Ngekwemibiko lona lomsikati loneminayaka lengema-29 utibike kuphatseka kubaphatsi lekubikwa yancatjelwa kutsatsa likhefu lekugula. Kantsi inhlangano yelubasha lweANC naletinye tinhlangano bebaphikhetha ngephandle kwemahhovisi alenkapani.  Kuyibuka ngeliso letemtsetfo sicele sati semtsetfo wetisebenti ngummeli Dan Malope lovela kunkapani yebammeli iRamoromisi, Malope and Nene Attorneys

Intsatseli yaka-SABC lehambele lemidlalo yemchudzelwano wemave emhlaba ebholeni letinyawo lese-Mexico Sifiso Ramara utsi bantfu base-N/A labahambele lemidlalo banelitsemba lekuncoba kweBafana Bafana. 

Umhlatiyi welibhola letinyawo lophindze awumemetele lomdlalo  emsakatweni Ligwalagwala FM, Sibusiso "SD" Mashabane  utsi ematfuba ekuphumelela kweBafana Bafana kulomdlalo wekuvulwa lomncintiswano wendzebe yemhlaba akhona kepha kutawuba matima.

Hulumende uhlela kuchibiyela imitsetfo lelawula kusebenta kwemabhizinisi lamancane ikakhulukati kubomasipala, iBusiness Licensing Bill. Simeme lisekela lendvuna yelitiko lemabhizinisi  lasakhasa  Jane Sithole kutosichazela ngaloku