Likomishana laMdlanga live kabanti ngekusebenta kwetebulungiswa.  Sibahle Motha na-Ephraim Mabilane bayasibeka...

Kuyandza kukhatsateka mayelana netehlakalo tebubheva etikolweni takulesifundza kanye nemacembu emagenge khona etikolweni. Loku kuta ngemuva kwesehlakalo sekugwazana kwebafundzi esikonweni sakhona lapha e Mbombela . Simeme sihlalo wenhkangano leyengamele ema-SGB kulelive, Umnumzane Elphas Maseko

Lifika emaphetselweni kusasa liviki lekutfola mahhala teluleko nekwenta incwadzi lechaza kabanti ngendlela lofuna lifa lakho labiwe ngayo uma sewundlulile emhlabeni (WILL). Bameli batsi i WILL ibaluleke kakhulu ngoba igwema umbango welifa nekudideka uma umnikati wetintfo sekashonile. Simeme ummeli, Zola Mbatha kutobuka naye lendzaba. 

Takhamuti tase Ncakini ePienaar kaDaaantjie kulesifundza seMpumalanga setifuna kubona kwenteka bulungiswa kulandzela kuvela enkantolo kwebabe lekusolwa kutsi ugagadlele atiphindzaphindza emadvodzakati akhe lamabili laneminyaka lesemkhatsini kwalenge-23 budzala kuya ema-27 nesikhombisa budzala. Lomsolwa uboshwe ngeLisontfo kulandzela kutsi letisulu titjele emalunga emphakatsi. Mthobisi Mkhaliphi uyasibikela.

Inyonyana yabothishela iNational Teachers Union (NATU) seyibita indvuna yemfundvo lesisekelo Siviwe Gwarube kutsi iphenye ngetinsolo tekutsengiswa kwemsebenti yabothishela kamnye neyasemahhovisi. Sicocisane  nelisekela lamengameli we-iNATU Mandla Mabuza.

Emaphoyisa sekakhiphe samba semali lengu R400-thousand letawuniketwa umuntfu lotawuletsa imininingwane letawuholela ekuboshweni kwalabatsintseka kuletehlakalo tekubulawa kwabomake kumasipala wase-Ekurhuleni. Horisani Sithole naZandile Nkosi basihlanganisele lombiko.

Sigodliwe sincumo kulelicala lekwehlisa sitfunti lelisemkhatsini kwamabhalane jikelele we-ANC Fikile Mbalula kanye nelilunga le-NEC, Dr Nkosazana Dlamini-Zuma. Ntlantla Kgatlhane na Bongani Mondlane basihlanganisele lombiko..

Takhamuti takumasipala wase-Ekurhuleni setisabela kuphepha kwato kulandzela kutfolakala kwetidvumbu tabomake labasiphohlonga. Luyanda Danca uyasibikela.

Inhlangano Ligcabho Lemadvodza ikuchaze njengentfo lengemukeleki lokutfolakala kwetidvumbu tebafati lekusolwa kutsi babulewe etindzaweni letahlukene Ekurhuleni. Lomelele lenhlangano Memory Mamba utsi tehlakalo taloluhlobo tivame kwentiwa bantfu labangazange bakhuliseke kahle ebusheni babo.

Emaphoyisa akucinisekisile kutsi kutfolakale lesinye sidvumbu semfati e Calyville e Tembisa, lekwenta kutsi babe sikhombisa bafati lebatfolakele bashonile Ekurhuleni kuletinyanga letimbili letengcile.  Solwati ngetebugebengu Dkt Mxolisi Mathebula jutsi kungenteka kunembulali lophindzeelelako (serial killer) kulokubulawa kwalabafati.