Masipala  we City of Mbombela, ubita bantfu labeswele nalabaluphele labanebumatima ngekubhadaka tinsita kutsi bete ngaphambili batobhalisela luhlelo lwe-indigent programme. Kepha kuva kabanti ngaloluhlelo asamukele umphatsi weligumbi lelibuke kubhadalwa kwetinsita kuCity of Mbombela,  Phumula Mathebula

Sikhungo lesibitwa nge-Public Intrest South Africa, sifake simangalo ephikweni lemaphoyisa leliphenya ngenkohlakalo ema Hawks, lapho sikhala ngelibamba laNkomishana wemaphoyisa kulelive, Lt- General Puleng Dimpane. Sikhulumisana nasolwati ngetebugebengu, Dr Mxolisi Mathebula.

Likomishana letebatsengi kulelive lecwayisa batsengi babuyisele timoti tabo taka-BMW njengoba kutfolakele kutsi kunenkinga letsite ledzinga kulungiswa. Lelikomishana litsi timoti letitsintsekako i-BMW 3 series, 4 series, kanye naleminye imhlobo yakhona ka-BMW. Litsi letimoti nguletatsengwa kusukela nga-2016 kuta phammbili. Kuyiva kahle lendzaba sichumana nalokhulumela lelikhomishana Phetho Ntaba.

Emaphoyisa esifundza seMpumalanga aphenya emacala lamabili ekushona kwendvodza nemshana wayo loneminyaka lemine budzala eMalahleni. Sicele lokhulumela emapghoyisa esifundza seMpumalanga Col. Mavela Masondo kutosichazela.

Inhlangano leyengamela kusebenta kwetiphaza eThekwini iFood4Nation itsi ayisilo liciniso lemibiko letsi tintfo letitsengiswa etiphaza setiyabita kusukela kucoshwe bekufika lebanganamaphepha ekuba kuleli ngalokusemtsetfweni. Umsunguli weFOOD4NATION Sakhile Mokoena banyenti lebafuna kucekela phansi sitfunti sabosomabhizinisi labancane.

Inhloko lebukene netindzaba temtsefto kumasipala wase Ekurhuleni eGauteng,  Keme Buhari nelisekela  lemphatsi wemaphoyisa emgwaco Ekurhuleni lelisamisiwe emsebentini, Julius Mkhwanazi, baniketwe ibheyili ya 50 thousand we ma Randi yinkantolo yamantji e Germiston. Laba labanye lababili labasolwa nabo, Linda Gxasheka na-Imogen Mashazi nabo lebatikhulu letimisiwe kuwo lomasipala, batawuchubeka kusasa ngeticelo tabo tebheyili. Kukhuluma ngalesincumo senkantolo asamukele sati setemtsefto, Bongane Matsane longumsunguli wenkapani yebameli i Matsane Artoneys khona la e Mbombela.

Umkhandlu lobuke kusebenta kwebameli kuleli i-Legal Practice Council of South Africa, sewetfule emaphepha enkantolo lephakeme e Jozi ngenhloso yekufuna kwekutsi loyo bekangumvikeli wesive Busisiwe Mkhwebane, akhishwe eluhlwini lwebameli. Kutfola kabanti kutsi simayelana nani lesicelo ecingweni sikhulumisana naye Advocate Busisiwe Mkhwebane.

Tinyonyana tetisebenti tivakalise kukhatsateka ngesincumo semgcinimafa sekugodla imali yesibonelelo sabomasipala. Kulesifundza se Mpumalanga, batsatfu bomasipala labatsintsekako kuloludzaba, yi Nkomazi, Emakhazeni kanye ne Victor Khanye. Kepha kuva kutsi lelitiko lelibukele kusebenta kwabomasipala litsini ngaloludzaba asamukele umphatsiswa welitiko lekubusa ngekubambisana, kuhlaliswa kwebanftu netindzaba tebaholi bendzabuko kulesifundza  se Mpumalanga, Speedy Mashilo

Sikhungo lesibukele kusebenta kwemincele i-Border Management Authority (BMA) sitsi senyukile sibalo sebantfu labengce egedeni lase-Beitbridge eMusina, esifundzeni seLimpopo. Ngekusho kweBMA kusukela kucale loluhlelo lekubuyiselwa emuva kwebantfu labangenamvumo yekuba kuleli, sekuhambe bantfu labangetulu kwa-45 thousand. Kukhuluma kabanti ngalendzaba sicocisana nelisekela laNkomishana weBMA, Umnumzane David Chilembe.

Inhlangano yetimboni tetimoti i-Motor Industry Association incenga bantfu labanetimoto kutsi babosukumela etulu nakuphume satiso sekujikiswa kwetimoti teluhlobotsite natinetinkinga.  Loku kulandzela lesimemetelo sakamuva lesatisa ngekujikiswa kwetimoto teluhlobo lwe-Jaguar Land Rover, letifakwe i AJ-20-D6 three-Litre V6 Turbo-diesel Engine. Kantsi likhomishana letebatsengi i National Consumer Commission, litsi kubalulekile kusukuma ngoba letinye taletinkinga tingahle tifake engotini banikati baleto timoti. Simeme lokhulumela lona lelikhomishana lebatsengi,Phetho Ntaba.