President Cyril Ramaphosa sê vanoggend se dodelike skoolvervoer-ongeluk in Gauteng is veral ontstellend omdat dit gebeur het op dieselfde dag wat die Suid-Afrikaanse Menseregtekommissie 'n verslag oor leerdervervoer in Noordwes gepubliseer het. Minstens 12 leerders is vanoggend dood toe hul voertuig naby Vanderbijlpark met 'n vragmotor gebots het. Die Presidensie se woordvoerder, Vincent Magwenya, sê gesinne en skole sal die nodige psigo-maatskaplike ondersteuning ontvang: