Թողարկում այն մասին, թե ինչու Կառլն այնքան էլ չի սիրում Անգլիայի թագուհուն եւ «Սատանան կրում է Պրադա» ֆիլմի օգնականներին։ Գուցե պատմենք նաեւ աշխարհի ամենամեծ կարտոֆիլի մասին, ինչպես նաև , թե որ հունական աստծո անունով են կոչել երկնաքարը, որը մոտենում է մեր երկին։ Մի խոսքով , շատ խառը թողարկում՝ Կոմիտասի այգուց։

Մի քիչ անձնական թողարկում դիմակներ կրելու, Վեգայի բռնված վզի, Կառլի հանձնած սեռավարակների թեստի ու շաբաթվա մյուս սկանդալների մասին։

Այս էպիզոդում կիմանաք թե ինչ եղավ Կառլի ավտոտնակի հետ, Ինչ շնորհավորական խոսքեր ասաց Արմեն Սարգսյանը մեր հայուհի Քիմին, ինչու է Մգեռ Առմենիան սկսում քայլարշավ Շուռնուխ գյուղից, Ինչ են պատմում ԶԼՄ-ները արքայական ընտանիքի մասին, Ով է, որ չի փոխել կաշին, բայց փոխել է անունը, Ինչու են ձերբակալել գործազուրկ Մասատոշիին և կպարզենք ինչպես հասկանալ կայացա՞ծ եք արդյոք Դուք, թե՞ ոչ։

Սկանդալային թողարկում Կառլի՝ պապիկից կտակ մնացած 06 մակնիշի ժիգուլիից։ Ինչու՞ է քաղաքապետարանը քանդում Կառլի ավտոտնակը ու ի՞նչ ունի ասելու մեր սիրելի Կառլը քաղաքապետին։ Բացի նրանից, որ այս թողարկմանն ավելի քան 7 անգամ կլսեք ավտոտնակ բառը , ավելի քան 4 անգամ Հայկ Մարությանի անունն ու ավելի քան երկու անգամ նորություններ Ավստրալիայից, այս էպիզոդում նաև պատմում ենք Անգլիայի թագուհու՝ ալկոհոլից հրաժարվելու որոշման պատճառների, վերջինիս հարսիկի՝ Մեգան Մարքլի սուպերհերոսի մարմնավորելու ցանկության, սուպերհերոսներից ամենահայտնիի օրիենտացիայի ու էլի մի քանի մանր մունր նորության մասին։

Համարյա ASMR թողարկում, որտեղ և նախաճաշում ենք , և շարունակում բամբասել ալամ-աշխարհից։ Ամենասկզբում, իհարկե, մեր զայրույթը, զորակցությունն ու ապրումակցումն ենք հայտնում բոլոր-բոլորին՝ հոկտեմբերի 4-ի դեպքերի՝ մասնավորապես ֆեյսբուքի ու ինստագրամի անկման առթիվ, պատմում , թե ինչ ազդեցություն ունեցավ այդ չարաբաստիկ օրը Վեգայի առողջության վրա, հետո արդեն անցնում ավելի մեղմ լուրերի՝ Բիթքոինի գնին, Ոսկե Ծիրանին,  Գործազուրկ հրաշագործներին, Քնած ժամանակ մարդկանց անկողին ընկած երկնաքարերին եւ Հոլիվուդյան նորաթուխ զույգերին։ Հուսով ենք՝ կհավանեք։

Ի զարմանս մեզ շատ հաջողված էպիզոդ է, որում խոսում ենք բանկային համակարգի կոլլապսից, Ռոմանովների պսակադրությունից, Դոնալդ Թրամփի դատական հայցից, Ինքն իրեն որոնող տղամարդուց, Շակիրային կողոպտած խոզերից (սա վիրավորանք չէ), Մավրիկոս կղզու բաց դռներից, Խորամանկ արվեստագետից, Քիմ Քարդաշյանից և իհարկե Քանյեից, Ջասթինից ու Հեյլիից, Ջոլիից ու Վիքենդից։

Այնպես որ, հարմար տեղավորվեք և սեղմեք PLAY

Մեր այս էպիզոդը հարուստ է փիսիկի մլավոցով, հայտնիների բաժանումներով, դատական հայցերով, թութակի կտցահարությամբ, ձվի նման առարկայով, կորոնավիրուսի մասին լավ ու վատ լուրերով, Հեռուստացմփորիկներով, տանձի դրական կողմերով և ինչու ոչ նաև մորուքով։

Նախազգուշացում։ Այս էպիզոդում գերակշռում է շոու-բիզնեսյան լուրերը։