20.37

Mir diskutiere, wieso Schwän keini Purzelbäum im Wasser mache, rede über cooli und weniger cooli Vögel, kreiere de ultimative Traumzug und lerne meh über Zug-WC-Tricks vode Kontrollettin.

Ufeme 200 Meter lange Zug nach Züri diskutieremer überd Relevanz vo Bluemestrüss, entdecke exotischi Chüelschrank-Grüsch und gönd ab wienes Zäpfli.

Nach längerer Wartezit simmer wider am Zug und beerdige im falsche Zug eusi gliebti 20.37-Verbindig. Uf de Suechi nach verborgene Talent und atypische Badezuesätz schufle mer eus immer tiefer dure blutti Wahnsinn!

Während de Fahrt durch die schöni Schwiiz entdeckemer kuriosi Emojis und bespreche zäme mit em Kontroletti d'Kreativität vo schwarzfahrende Schofseckel bis mer d'Brotbräms müend zieh.

Uf de verchehrte Route treffemer en besinnliche Kontrolleti, diskutiere heftig über Wiehnachtsbelüchtige und sehne uns nach alte Zite und offene und zuene Läde...

Uf de schönschte Zugstrecki vode Schwiiz wird drüber philosophiert, mit wie vielne Bei de David im Läbe stoht und wie gäbig Händ und Finger sind, oder ebe ned.

Mir taufe mitem Kontroletti e Loki, diskutiere über unagnehmi Körpergrüsch und träume vo utopische Konzert. Vode Struktur her isches aber ame chli es Gäts!

D'Pilotinne-Folg isch ufgleist! Nachere holprige Vortstelligsrundi gohts ume Büsi-Rettigsaktion, e Bialetti wird beerdigt und de Sinn vo Fruchtsalat hinterfrogt.