येशू त्यांना म्हणाला, “मीच जीवनाची भाकर आहे; जो माझ्याकडें येतो त्याला कधीही भूक लागणार नाहीं आणि जो माझ्यावर विश्वास ठेवतो त्याला कधीही तहान लागणार नाहीं. (योहान 6:35)

येथे आम्हास जे पाहण्याची गरज आहे ते हे कीं विश्वासाचा सार हाच कीं ख्रिस्ताठायी देव आमच्यांसाठीं जे काहीं आहे त्यांत संतुष्ट असणें.

अशाप्रकारे विश्वासाची व्याख्या केल्यांनें दोन गोष्टीं महत्वाच्या ठरतात. त्यांत पहिली गोष्ट ही कीं विश्वास हा देव-केंद्रित असतो. आम्हीं केवळ देवाच्या अभिवचनांत समाधानी राहत नाहीं, तर येशूमध्यें स्वतः देव आमच्यांसाठीं जो कोणी आहे त्यां सर्व गोष्टींत आम्हीं समाधानी राहतो. विश्वास मान्य करतो कीं ख्रिस्तामध्यें देवच आमचे वतन आहे - फक्त देवाची अभिवचन-दत्त कृपादानें नव्हे.

विश्वास आपली आशा फक्त येणाऱ्या युगाच्या स्थावर मालमत्तेवर ठेवत नाहीं, तर देव तेथे असेल या वस्तुस्थितीवर तो पोषण पावतो (प्रकटीकरण 21:3). “आणि मी राजासनातून आलेंली मोठी वाणी ऐकली, ती अशी : “‘पाहा,’ देवाचा मंडप मनुष्यांजवळ आहे, त्यांच्याबरोबर ‘देव आपली वस्ती करील; ते त्याचे लोक होतील, आणि’ देव स्वतः ‘त्याच्याबरोबर राहील.’”

आणि आता सुद्धा विश्वास अत्यंत आवर्जून जी गोष्ट स्वीकार करतो ती म्हणजें क्षमा झालेंल्या पापांची केवळ वास्तविकता नव्हे (ते कितीही मौल्यवान असलें तरीही), तर आमच्यां अंतःकरणांमध्यें जिवंत ख्रिस्ताचे सान्निध्य आणि स्वतः देवाची पूर्णता होय. इफिस 3:17-19 मध्यें पौल प्रार्थना करतो कीं “ख्रिस्तानें तुमच्यां अंतःकरणामध्यें तुमच्यां विश्वासाच्या द्वारें वस्ती करावी... असें कीं तुम्हीं देवाच्या सर्व पूर्णतेइतके परिपूर्ण व्हावे.”

विश्वासाची व्याख्या करतांना येशूठायी आमच्यांसाठीं देव जो काहीं आहे त्यात संतुष्ट म्हणून ज्या आणखी एका गोष्टीवर जोर दिला गेला आहे तो शब्द आहे “समाधान.” विश्वास म्हणजें देवाच्या झऱ्याजवळ येऊन आत्म्याची तहान भागवणें. योहान 6:35 मध्यें आपण पाहतो कीं “विश्वास ठेवण्याचा” अर्थ “जीवनाची भाकर” खाण्यासाठीं आणि “जिवंत पाणी” जो स्वतः येशू होय (योहान 4:10,14), पिण्यासाठीं येशूजवळ येणें होय.

पापमय आकर्षणांचे गुलाम बनविणारे सामर्थ्य तोडणाऱ्या विश्वासाच्या सामर्थ्याचे रहस्य येथे आहे. जर अंतःकरण येशूमध्यें देव आपल्यांसाठीं जे काहीं आहे त्या सर्व गोष्टींत समाधानी असेल, तर आपल्यांला ख्रिस्ताच्या बुद्धीपासून दूर मोहित करणारे पापाचे सामर्थ्य निशस्त्र झालें आहे.