परंतु जे धनवान होऊ पाहतात ते परीक्षेत, पाशात आणि माणसांना नाशात व विध्वंसात बुडवणाऱ्या अशा मूर्खपणाच्या व बाधक वासनांत सापडतात. (1 तीमथ्य 6:9).

लोभ मनुष्याला सर्वकाळासाठीं नरकात नाश करूं शकतो.

मला खात्री आहे कीं हा नाश अस्थायी आर्थिक संकट नसून, नरकात होणारा अंतिम विनाश आहे याचे कारण तीन वचनांनंतर 1 तीमथ्य 6:12 मध्यें पौल जे काहीं म्हणतो ते आहे. तो म्हणतो कीं लोभाचा प्रतिकार विश्वासाद्वारें लढा देऊन केला गेला पाहिजे. मग तो पुढे म्हणतो, “युगानुयुगाच्या जीवनाला बळकट धर; त्यासाठींच तुला पाचारण झालें आहे, आणि तू पुष्कळ साक्षीदारांदेखत तो चांगला पत्कर केला आहेस.” लोभापासून पळ काढण्यात आणि भविष्यातील कृपेवर विश्वास ठेवून समाधानासाठीं लढण्यात जे पणास लागत असेल ते म्हणजें सार्वकालिक जीवन.

म्हणून, जेव्हां पौल 1 तीमथ्य 6:9 मध्यें म्हणतो कीं धनवान होण्याची परीक्षा लोकांचा नाश करते, तो असें म्हणत नाहीं कीं लोभ तुमच्यां वैवाहिक जीवनाचा अथवा उद्योगाचा (जे तो नक्कीच करूं शकतो!) नाश करतो. तो म्हणत आहे कीं लोभ तुमच्यां सार्वकालिक जीवनाचा नाश करूं शकतो. किंवा, जसे 1 तीमथ्य 6:10 मध्यें शेवटी म्हटलें आहे, “कारण द्रव्याचा लोभ सर्व प्रकारच्या वाइटाचे एक मूळ आहे; त्याच्या पाठीस लागून कित्येक विश्वासापासून बहकलें आहेत; आणि त्यांनी स्वतांस पुष्कळशा खेदांनी भोसकून घेतलें आहे” (अक्षरशः “स्वतःला अनेक दुःखांनी क्रुसावर चढविलें आहे”).

बायबलमध्यें देवानें अतिरिक्त मैल पुढे जाऊन आम्हास अत्यंत दयाळूपणें ताकींद दिली आहे कीं लोभाची मूर्तिपूजा प्रतिकूल परिस्थिती आहे. शब्दाच्या दुसऱ्या अर्थानें सांगितलें झाल्यास तेथून पुढे जाण्याचा मार्ग नाहीं. ती एक युक्ती आणि प्राणघातक सापळा आहे.

म्हणून, तुम्हास माझा शब्द आहे 1 तीमथ्य 6:11 चे हे वचन: “तू ह्यांपासून पळ काढ.” जेव्हां तुम्हीं ते येतांना पाहता (टेलीविजनच्या जाहिरातीत अथवा ख्रिसमसच्या कॅटलॉगमध्यें अथवा इंटरनेंट पॉप-अप अथवा शेजाऱ्याच्या खरेदीमध्यें), तेव्हां त्यापासून असा पळ काढा जसे तुम्हीं प्राणी संग्रहालयातून सुटलेंल्या गरजणाऱ्या, भूकेल्यां सिंहापासून पळ काढाल. “युगानुयुगाच्या जीवनाला बळकट धर.”