Gaur, Zombie Jaialdiaren 10. edizioari buruz hitz egingo dugu. Larratxon ospatuko da azaroaren 6an, eta bertan Vhaldemar, Blast Wave, Leyenda eta Delion taldeek joko dute. Horretarako, Casares-Tomasene kultur etxeko zuzendaria den Susana Bustero gonbidatu dugu Ispilu Beltzara.

Bestetik, Mikel Iturriak Kultur Periskopioan hiriko ekitaldien inguruko xehetasunak eman dizkigu astero bezala.

Horrez gainera, Kresala Zineklubetik Pedro Saldaña etorri zaigu, hain zuzen ere zombien inguruko pelikulen inguruan hitz egiteko, beldurrezko aste honetan.

Amaitzeko, Jon Gartziak musikaz amaitu du saioa Kanta Katiluan.

Jantzi kaskoak eta adi!