Porfa bydd ffocws y podlediad yma yng nghwmi Cennydd Jones, darlithydd rheolaeth glaswelltir ym Mhrifysgol Aberystwyth ac yn ffermwr rhan amser hefyd. Bydd Cennydd yn cael cwmni Alan Lovatt sydd wedi bod yn fridiwr glaswellt trwy yrfa ac erbyn hyn yn gwneud gwaith ymgynghorol i gwmni Germinal sydd wedi ei leoli yng Ngogerddan ger Aberystwyth. Gyda dros 75% o dirwedd Cymru yn laswelltir o ryw fath neu'i gilydd, ac o ystyried bod glaswelltir yn rhan hanfodol bwysig o ddiet gwartheg, defaid, ceffylau a hyd yn oed geifr ac alpacas, mae glaswelltir heb os nac oni bai yn rhan allweddol o'r jig-so pan mae'n dod at daclo newid hinsawdd, bwydo'r boblogaeth a chynyddu elw ar ein ffermydd, ac fe fyddwn yn cyffwrdd a'r holl agweddau pwysig hyn yn ystod yr 20 munud nesaf.