Hamasei urte zituela Madrilera joan zen bizitzera bere ametsa errealitate bihurtzeko asmoz. Dantzari profesionala izan nahi zuen eta baita lortu ere. Likidoaren eta solidoaren artean, koreografia zorrotzen eta inprobisazioaren erdibidean dago Amaia. Lesioen beldurrez, barne blokeoez eta betetzear dituen ametsez aritu zaigu “Eneagrama” podcastean. Jokin, lehenengoz, tokiz kanpo ikusi dugu, izan ere Amaia oso urrun omen dago egokitu diogun eneatipoaren ezaugarrietatik.