María Soliña foi xulgada pola Inquisición no século XVII na vila de Cangas. A súa historia forma parte do imaxinario popular grazas á literatura e á música, pero a nós o que nos interesa é saber o que hai detrás desa lenda: por que xulgaron a María Soliña?, por ser bruxa ou por algo máis? A investigadora e profesora de Historia Medieval, Guillermina Domínguez, afonda sobre o contexto histórico e social no que viviu esta poderosa muller e desentraña os posibles intereses que motivaron o seu xuízo.