九月頭就上映咗一部，改編自美國著名靈異調查員華倫夫婦真實經歷嘅電影 ── 《詭屋驚凶實錄4：最後的儀式》。有見及此，婆婆今次就嚟同大家分享一下佢哋當中最出名嘅其中三大靈異故事。

事隔差唔多五個月，終於等到我哋個阿萊婆婆本人嚟分享啦！婆婆呢排睇咗Netflix套「夢想成為律師的律師們」，其中有集係同愛情有關嘅，令婆婆有啲體會想拎出嚟同大家傾下計。

助手仔係五月去咗個十日嘅內觀營，係與世隔絕咗整整十日，加專心靜修打坐之後，

終於終於！嚟到探討十二星座計劃嘅最後一個星座，亦都係婆婆我嘅星座，白羊座！(wohoo💘) 好開心邀請到腳趾同埋呀Yeung嚟同我一齊參與呢個白羊座嘅派對。嗱，白羊座其實就好簡單好直接嘅，同埋傾起計上嚟，個聲量原來同雙子有得揮🥹聽完會了解多啲白羊座嘅心路歷程㗎啦！

今次邀請到兩位完全唔同工作界別嘅巨蟹座朋友上嚟，一直以來巨蟹座俾人嘅感覺都係脆弱敏感，但係同完佢哋傾偈之後又發現原來佢哋有自己嘅一啲人生哲理或者哲學，同埋成日不經意會陷入一啲危機！今集一齊嚟了解吓巨蟹座嘅內心世界啦，佢哋真係好可愛！

今次兩位嘅獅子座代表都係婆婆我認識超過十年嘅朋友仔！好開心可以邀請到佢哋嚟同大家分享下獅子座嘅內心世界。雖然我都清楚獅子座嘅朋友仔都對自己好有信心，但今次咁樣深入啲傾落就再強烈地感受到，佢哋有幾相信自己！不過都當然啦，係呢個強大嘅一面背後，都有啲小貓嘅面貌嘅～想知就一齊去聽下了解下佢哋啦！

事隔咗一排，又再回歸返我哋嘅十二星座計劃啦！好開心我哋邀請到米米同埋子仲嚟到一齊開心傾計。唔傾都唔知，原來大家嘅行事作風可以咁唔同。不過，雙魚座嘅朋友真係唔話得，今次嘅時間令婆婆我對你哋大改觀，我欣賞你哋☀️大家都記得嚟聽下了解下雙魚座嘅內心世界啦！

聽咗一排星座嘅分享，我哋又返一返嚟本台主持嘅主場啦。呢次就有Henry仔揸旗，分享一下佢呢排睇緊嘅《聊齋誌異》。呢一本係記載咗好多奇聞趣事嘅散文小說，呢次分享嘅三個故事都帶有一種耐人尋味嘅感覺。正如蒲松齡所講，故事之中所隱含嘅意思比佢係唔係真實嘅更重要。大家聽完都可以同我哋分享下你嘅感受㗎🤘🏽

話說之前係story有輕輕問過大家，認為最難搞嘅星座係邊個。今集就嚟到榜上有名嘅水瓶座，我哋好榮幸邀請到Tszwa aka Bboy Think同埋Ally！作為水瓶座嘅佢哋，究竟可唔可以為一眾嘅水瓶座平反下呢🤓快啲嚟聽下，睇下你哋又會唔會對佢哋改觀💫

今集嚟到處女座啦！好開心邀請到Algo同埋Fa上嚟同我哋傾計！成日話處女座好麻煩好難相處又高要求，但傾落計又發現其實都好易相處☀️同佢哋傾計好舒服，分享欲都好高。今次就帶大家去真正認識一下處女座啦！👋🏻