လူတိုင်း အမှားနဲ့ ကင်းဖူးတဲ့သူ မရှိပါဘူး။ကျွန်တော်တို့အားလုံးမှာ ပြန်လည်ကုစားပြီး နေ့ရက်တိုင်းကို ရှေ့ဆက်လျှောက်လှမ်း ဖို့ကြိုးစားနေရတဲ့ အတိတ်တစ်ခုတော့ အနည်းဆုံးရှိ ကြပါတယ်။ အတိတ်က အမှားတွေဆိုတာနောင်တရနေဖို့ သပ်သပ် မဟုတ်ပဲ လက်ရှိ ပစ္စုပ္ပန်နဲ့ အနာဂတ်အတွက် ကောင်းမွန်တဲ့ပြောင်းလဲခြင်းတွေ ရရှိဖို့ သင်ယူရမှာ ဖြစ်ပါတယ်။

 အတိတ်မှာဖြစ်ပျက်ခဲ့တဲ့ အမှား တွေကို ကုစားဖို့ နိုင်ဖို့အတွက် ပထမဆုံး ခြေလှမ်းကအမှားတွေကို အသိအမှတ်ပြုပြီး လက်ခံနိုင် အောင် ကြိုးစားခြင်းပဲ ဖြစ်ပါတယ်။အမှားတွေ ရှိခဲ့ရင် အမှားကို အမှားအတိုင်း လက်ခံဖို့ ကြိုးစားလိုက်ပါ။ကိုယ့်ကိုယ်ကိုယ် အပါ အဝင် ဘယ်သူတစ်ဦးတစ်ယောက်ကိုမှ အပြစ်တင်ဖို့ မကြိုးစားပါနဲ့။အမှန်တရားကို ဆုပ်ကိုင်ပြီး ဖြစ်ပေါ်လာတဲ့ စိတ်ခံစားမှုတွေကိုခံစားခွင့်ပြုလိုက်တာဟာ အမှားတွေကို အကောင်းဆုံး လက်ခံတဲ့ နည်းလမ်းတစ်ခုပဲ ဖြစ်ပါတယ်။