ཨ་རིའི་རླུང་འཕྲིན་ཁང་།

རྒྱ་གར་དང་རྒྱ་ནག་དབར་ས་མཚམས་སྐོར་གྱི་གྲོས་མོལ་ཚོགས་འདུར་རྒྱ་གར་གྱིས་ཤར་ཕྱོགས་ལ་དྭགས་ཁུལ་དུ་རྒྱ་མིའི་དམག་མིས་འགུལ་བསྐྱོད་བྱེད་བཞིན་པ་དེ་མཚམས་འཇོག་བྱེད་དགོས་པའི་ནན་བཤད་བྱས་འདུག་པའི་སྐོར་རྣམ་རྒྱལ་ཤཱསྟྲིས་སྙན་སྒྲོན་ཞུ་རྒྱུ་རེད།

རྒྱལ་སྤྱིའི་གནམ་གཤིས་ཚན་རིག་ཞིབ་འཇུག་པ་ཚོས་བོད་མཐོ་སྒང་གི་འཁྱགས་རོམ་བཞུར་བ་ནས་དེ་སྔ་ཤེས་རྟོགས་མེད་པའི་སྐྱེ་དངོས་ཕྲ་རབ་གྲངས་༡༠༠༠ ཙམ་འདུས་ཡོད་པ་ཤེས་རྟོགས་བྱུང་ཡོད་ཅིང་། དེ་དག་མ་འོངས་པར་ཉེན་ཚབས་ཅན་དུ་འགྱུར་སྲིད་པའི་ཚོད་དཔག་བྱས་ཡོད་པ་སོགས་ཀྱི་སྐོར་ཚེ་བརྟན་ཆོས་སྒྲོན་ལགས་ཀྱིས་ངོ་སྤྲོད་གནང་གི་རེད་།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

ད་རིང་གི་རྩོམ་སྒྲིག་པའི་གཏམ་ཚོགས་ནང་ཤྲི་ལང་ཀས་རྒྱ་ནག་ནས་བུ་ལོན་ཆེན་པོ་ལེན་པར་བརྟེན་རྒྱལ་ཁབ་ནང་དཔལ་འབྱོར་དང་ཆབ་སྲིད་ཀྱི་དཀའ་ངལ་འཕྲད་པ་དེ་ནས་རྒྱ་ནག་ནས་བུ་ལོན་ལེན་མཁན་རྒྱལ་ཁབ་གཞན་ཚོར་བསླབ་བྱ་གང་བྱུང་ཡོད་པའི་སྐོར་ངོ་སྤྲོད་བྱས་ཡོད།

རྒྱ་ནག་ནང་ཕྱི་རྒྱལ་ནས་མི་འབྱོར་མ་ཐག་ཉེན་རྟོག་པས་ལྟ་ཞིབ་ནན་པོ་བྱེད་ཀྱི་ཡོད་པ་གྲོང་ཁྱེར་ཧྲང་ཧད་ཀྱི་བདེ་འཇག་ལས་ཁུངས་ནས་གསང་བའི་གནས་ཚུལ་ཕྱི་གྱར་བྱུང་ཡོད་པའི་ནང་དོན་་གནས་ཚུལ་ཁག་ཅིག་བསྟན་འཛིན་ལྷུན་གྲུབ་ལགས་ཀྱིས་སྙན་སྒྲོན་ཞུས་གནང་གི་རེད།

རྒྱ་དཀར་ནག་གཉིས་ཀྱིས་ལ་དྭགས་ཤར་ཕྱོཌ་ཀྱི་ས་མཚམས་ཁུལ་ནས་སོ་སོའི་དམག་མི་རྣམས་རྒྱང་ཐག་རིང་པོར་ཕྱིར་འཐེན་བྱས་ཏེ་ས་གནས་ཀྱི་འཐེན་འཁྱེར་ཤུགས་ཆུང་དུ་བཏང་རྒྱུའི་སྐོར་ལ་རྒྱལ་ཁབ་གཉིས་ཀྱི་ས་མཚམས་ཀྱི་དམག་དཔོན་རིམ་པའི་བཀའ་གྲོས་རིམ་པ་བཅུ་དྲུག་པ་དེ་ལ་དྭཌ་ཀྱི་ས་གནས་ཆུ་ཤུལ་དུ་འགོ་འཛུཌ་བྱས་ཡོད།།

ཨུ་རུ་སུས་རྗུན་གཏམ་མང་པོ་ཞིག་ཆེད་སྤེལ་བྱེད་ཀྱི་ཡོད་པས་ ཡུཀ་རེན་གྱི་སྲིད་འཛིན་འཛེ་ལེན་སི་ཀི་ཡིས་རང་གི་མི་མང་ཚོས་གནས་ཚུལ་ཆེད་བཟོས་བྱས་པ་ཁག་ལ་ཉན་འཇོག་དང་འདེང་འཇོག་མི་བྱེད་བའི་རང་དབང་ཅན་གྱི་བློ་དང་སེམས་ཚོར་གོང་འཕེལ་གཏོང་དགོས་ཅེས་སྐུལ་མ་གནང་ཡོད་པ་སོགས་ཀྱི་སྐོར་པདྨ་བདེ་ཆེན་ལགས་ཀྱིས་སྙན་སྒྲོན་ཞུ་ཡི་རེད།

༄༅། ཤྲི་ལང་ཀའི་ནང་དཔལ་འབྱོར་གྱི་དཀའ་ངལ་གྱི་གཞི་རྩ་གཙོ་བོ་ཞིག་རྒྱ་ནག་ལ་ཐུག་གི་ཡོད་པའི་འཚོར་སྣར་ཆེ་རུ་འགྲོ་བཞིན་རྒྱ་ནག་ལ་སྡང་ཟུག་བྱེད་མཁན་ཇེ་མང་དུ་འགྲོ་གི་ཡོད་པ་བཅས་ཀྱི་སྐོར་རྒྱལ་སྤྱིའི་གསར་འགྱུར་བརྒྱུད་ལམ་ཁག་གི་ནང་ཐོན་པའི་གནས་ཚུལ་རྣམས་ཀུན་བཟང་སྒྲོལ་མས་ཕབ་བསྒྱུར་དང་སྙན་སྒྲོན་ཞུ་གི་རེད།

༄༅།། བལ་ཡུལ་གཞུང་ལ་ཕྱི་དངུལ་བརྗེས་གསོག་འཇོག་བྱས་པ་ཉུང་དུ་མི་འགྲོ་བའི་ཆེད་ཕྱི་ནས་ནང་འདྲེན་བྱེད་པའི་དངོས་ཟོག་རྣམ་གྲངས་བཅུ་ཙམ་མུ་མཐུད་བཀག་སྡོམ་བྱེད་བཞིན་ཡོད་པའི་སྐོར་རྒྱལ་མཚན་ཚེ་རིང་ལགས་ཀྱིས་སྙན་སྒྲོན་ཞུ་ཡི་རེད།།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད།  དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།